سرکاری ملازمین کو عید سے پہلے تنخواہ دینے کا فیصلہ

خوشخبری سرکاری ملازمین کے لیے

لاہور (ڈیلی پاکستان آن لائن) عید الفطر سے قبل سرکاری ملازمین کے لیے بڑی خوشخبری آگئی، خیبرپختونخوا اور پنجاب حکومت نے ملازمین کو تنخواہیں دینے کا اعلان کر دیا ہے۔

یہ بھی پڑھیں: روزمرہ معمولات زندگی کو سرانجام دینے کی غرض سے ہمیں کچھ داروں کی طرف سے بھی ان کی مرضی کو مقدم رکھنے پر مبنی اشارے اور پیغامات ملتے ہیں

خیبرپختونخوا میں تنخواہوں کی ادائیگی

خیبرپختونخوا کے سرکاری ملازمین کو عید سے پہلے تنخواہ دینے کا فیصلہ کر لیا گیا۔ اعلامیے کے مطابق تنخواہ اور پنشن 16 مارچ تک ادا کر دی جائے گی۔

یہ بھی پڑھیں: وکلاء اور حکومت ایک ہی ٹیم کی طرح کام کر رہے ہیں: وزیر قانون پنجاب صہیب احمد بھرتھ

پنجاب حکومت کی جانب سے خوشخبری

اس سے قبل پنجاب حکومت نے بھی سرکاری ملازمین اور پنشنرز کے لیے عید الفطر سے قبل بڑی خوشخبری سناتے ہوئے تنخواہوں اور پنشن کی قبل از وقت ادائیگی کا اعلان کر دیا ہے۔ اس فیصلے کا مقصد عید کی خوشیوں میں ملازمین کو مالی ریلیف فراہم کرنا ہے۔

یہ بھی پڑھیں: تھائی لینڈ، مردہ قرار دی گئی خاتون آخری رسومات سے قبل اٹھ کھڑی ہوئی

نوٹیفکیشن کی تفصیلات

پنجاب کے محکمہ خزانہ کی جانب سے جاری کردہ نوٹیفکیشن میں کہا گیا کہ تمام سرکاری ملازمین کو رواں ماہ کی تنخواہ عید کی تیاریوں کے لیے 16 مارچ کو ہی ادا کر دی جائے گی۔

پنشنرز کے لیے ادائیگیاں

سرکاری ملازمین کے ساتھ ساتھ پنشنرز کو بھی ان کی ادائیگیاں 16 مارچ کو کر دی جائیں گی تاکہ ریٹائرڈ افراد کو بھی کسی مالی تنگی کا سامنا نہ کرنا پڑے۔