امریکا کا ایران کے غیر مشروط ہتھیار ڈالنے پر آپریشنز ختم کرنے کا اعلان

امریکا کا ایران کے ہتھیار ڈالنے پر آپریشنز ختم کرنے کا اعلان

واشنگٹن (ڈیلی پاکستان آن لائن) امریکا نے ایران کے غیر مشروط ہتھیار ڈالنے پر آپریشنز ختم کرنے کا اعلان کر دیا۔ ترجمان وائٹ ہاؤس کیرولائن لیوٹ نے نیوز بریفنگ میں کہا کہ ایپک فیوری آپریشن کامیابی سے جاری ہے، ایران کے 50 بحری جہازوں کو تباہ کر دیا گیا ہے۔ صدر ڈونلڈ ٹرمپ جنگ کے اہداف تیزی سے حاصل کرنے کے لئے پراعتماد ہیں۔

یہ بھی پڑھیں: میرے سسر بے حد خوش تھے،چچا سسر نے ناراضی کا اظہار کیا جس پر انہیں بتا دیا کہ جائز کام کسی کا بھی ہو اس میں مدد اور تعاون کرنا اپنا فریضہ سمجھتا ہوں

پٹرول اور گیس کی قیمتوں میں اضافہ

کیرولائن لیوٹ نے کہا کہ پٹرول اور گیس کی قیمتوں میں حالیہ اضافہ عارضی ہے۔ اہداف حاصل ہوجانے کے بعد تیل اور گیس کی قیمتوں میں کمی آجائے گی۔ ڈونلڈ ٹرمپ توانائی کے شعبے میں مزید آپشنز استعمال کرنے سے گریز نہیں کریں گے۔

یہ بھی پڑھیں: پٹرولیم مصنوعات کی قیمتوں میں کمی

صدر ٹرمپ کا عزم

انہوں نے کہا کہ صدر ڈونلڈ ٹرمپ کو یقین ہے کہ اہداف جلد حاصل کر لئے جائیں گے، اور ان کے مکمل ہونے کے بعد تیل، گیس کی قیمتیں کم ہو جائیں گی۔ ڈونلڈ ٹرمپ آبنائے ہرمز سے تیل کی آزادانہ ترسیل کے لئے پرعزم ہیں اور ایران سے جنگی مقاصد کے حصول میں اہم پیشرفت کر رہے ہیں۔

ایران کے خلاف اہداف کا نشانہ

ترجمان وائٹ ہاؤس کا مزید کہنا تھا کہ ہم نے ایران میں 5 ہزار سے زائد اہداف کو نشانہ بنایا ہے۔ اس کے علاوہ، ایران کے ڈرون حملوں میں 85 فیصد کمی آچکی ہے۔