190 ملین پاؤنڈ کیس؛ نیب نے بانی اور بشریٰ بی بی کی سزا معطلی درخواستیں ناقابل سماعت قرار دینے کی متفرق درخواست دائر کردی۔

نیب کی درخواست

اسلام آباد (ڈیلی پاکستان آن لائن) قومی احتساب بیورو (نیب) نے 190 ملین پاؤنڈ کیس میں بانی پی ٹی آئی اور بشریٰ بی بی کی سزا معطلی کی درخواستیں ناقابل سماعت قرار دینے کی متفرق درخواست دائر کر دی ہے۔

یہ بھی پڑھیں: قونصل جنرل پاکستان دوبئی حسین محمد کی فجیرہ کے ولی عہد شیخ محمد بن حمد بن محمد الشرقی سے ملاقات، نیک خواہشات کا اظہار

اہم پیشرفت

نجی ٹی وی چینل جیو نیوز کے مطابق، 190 ملین پاؤنڈ کیس میں سزا معطلی کی درخواست پر سماعت سے قبل ایک اہم پیشرفت ہوئی ہے۔ نیب نے بانی پی ٹی آئی اور بشریٰ بی بی کی سزا معطلی درخواستیں ناقابل سماعت قرار دینے کی متفرق درخواست دائر کی۔

درخواست کا موقف

درخواست میں موقف اختیار کیا گیا ہے کہ کیس میں سزا کے خلاف مرکزی اپیل سماعت کے لیے مقرر ہی نہیں ہوئی۔ علاوہ ازیں، سزا کے خلاف اپیل پر باضابطہ نوٹس بھی جاری نہیں ہوا، جس کی بنیاد پر سزا معطلی کی درخواستیں ناقابل سماعت ہیں۔