وزیر اعظم کا اعلان: تیل کی عالمی قیمتیں بڑھنے پر عوام پر بوجھ نہیں ڈالیں گے، وزیر تجارت جام کمال

وزیراعظم شہباز شریف کا بیان

اسلام آباد(ڈیلی پاکستان آن لائن) وزیراعظم شہباز شریف نے کہا ہے کہ تیل کی عالمی قیمتیں بڑھیں تو عوام پر بوجھ نہیں ڈالا جائے گا۔ وزیر تجارت جام کمال خان نے بتایا کہ وزیراعظم شہباز شریف نے کہا ہے کہ تیل کی عالمی قیمتیں بڑھتی ہیں تو عوام پر بوجھ نہیں ڈال سکتے، ایسی صورت میں حکومت تیل کی اضافی قیمتوں کا بوجھ خود برداشت کرے گی۔

وزیر تجارت کی وضاحت

جیو نیوز سے گفتگو کرتے ہوئے وزیر تجارت نے واضح کر دیا کہ آئی ایم ایف کے پروگرام کے تحت ایکسپورٹرز کو بہت زیادہ سبسڈی نہیں دے سکتے۔ پاکستان اور دیگر ممالک کی کوشش ہے کہ یہ کشیدگی کم ہو۔ وزیر تجارت نے کہا کہ ہمارے پاس بحیرہ احمر، فجیرا، اور سعودی عرب کے سمندری راستے ہیں، جس سے ہم اپنی ایکسپورٹ کو متاثر ہونے سے بچا رہے ہیں۔ اگر سیستان بلوچستان متاثر ہوگا تو پاکستان کا بلوچستان بھی معیشت اور سیاسی لحاظ سے متاثر ہوگا۔