چودھری شوگر ملز ریفرنس بند کرنے کے کیس میں ڈی جی نیب ذاتی حیثیت میں طلب

لاہور(ڈیلی پاکستان آن لائن) احتساب عدالت نے وزیر اعلیٰ مریم نواز اور نواز شریف کے خلاف چودھری شوگر ملز ریفرنس بند کرنے کے کیس میں ڈی جی نیب کو فوری ذاتی حیثیت میں طلب کر لیا۔

یہ بھی پڑھیں: پرانے منشی نے میری کارکردگی دیکھتے ہوئے کہا علیٰحدہ آفس قائم کریں میں آپ کو بہت سارے کیس لا کے دوں گا، اکیلے کام کرنے کا تجربہ بھی ٹھیک رہا۔

سماعت کی تفصیلات

نجی ٹی وی چینل دنیا نیوز کے مطابق، احتساب عدالت کے جج رانا عارف نے نیب کی ریفرنس بند کرنے کی درخواست پر سماعت کی۔ مریم نواز کی جانب سے جاوید ارشد بھٹی ایڈووکیٹ پیش ہوئے۔

یہ بھی پڑھیں: عمران خان کو یہاں تک پہنچانے میں پی ٹی آئی کی موجودہ قیادت کا کردار ہے، فیصل واوڈا

عدالت کا حکم

عدالت نے تفتیشی کی عدم پیشی اور ریکارڈ پیش نہ کرنے پر ڈی جی نیب کو طلب کیا۔

نیب کی درخواست

نیب نے استدعا کی تھی کہ مریم نواز اور نواز شریف کے خلاف چودھری شوگر ملز کیس میں کرپشن کے شواہد نہیں ملے، لہٰذا عدالت مریم نواز اور نواز شریف کے خلاف چودھری شوگر ملز کی تحقیقات بند کرنے کی منظوری دے۔