یوم پاکستان کی تقریبات بیرون ملک سادگی سے منانے کا اعلان

یوم پاکستان کی تقریبات کا اعلان

اسلام آباد (ڈیلی پاکستان آن لائن )حکومتِ پاکستان نے اعلان کیا ہے کہ اس سال 23 مارچ کو یوم پاکستان کی تقریبات بیرونِ ملک تمام پاکستانی سفارتی مشنز میں سادگی کے ساتھ منائی جائیں گی۔

یہ بھی پڑھیں: سیلاب سے متاثرہ سیالکوٹ ایئرپورٹ پر آج سے فضائی آپریشن بحال کرنے کا اعلان

تقریبات کا دائرہ محدود

نائب وزیراعظم اسحاق ڈار کی جانب سے ایکس پر جاری پیغام کے مطابق تقریبات کو محدود رکھتے ہوئے صرف روایتی پرچم کشائی کی تقریب منعقد کی جائے گی۔ یہ فیصلہ وزیرِاعظم شہبازشریف کی جانب سے اعلان کردہ کفایت شعاری اقدامات کے پیش نظر کیا گیا ہے۔ اسی طرح مشرقِ وسطیٰ اور خطے کے دیگر ممالک میں جاری تنازعات اور قیمتی جانوں کے ضیاع پر اظہارِ یکجہتی کے طور پر اس سال یومِ پاکستان کی استقبالیہ تقریبات منعقد نہیں کی جائیں گی۔

امن کی امید

اسحاق ڈار نے امید ظاہر کی ہے کہ موجودہ کشیدگی کے خاتمے کے لیے مذاکرات اور سفارتکاری کامیاب ہوں گے اور جلد ہی پورے خطے میں امن، استحکام اور خوشحالی بحال ہو جائے گی۔

This year’s 23rd March National Day will be observed with simplicity at all Pakistan’s Missions abroad, limited to the traditional flag-hoisting ceremony.

In the light of Prime Minister’s announced austerity measures, and as a mark of solidarity with the countries and peoples of…

— Ishaq Dar (@MIshaqDar50) March 12, 2026