ہمیں بار بار بتایا گیا کہ گورنر کامران ٹیسوری ہی ہوں گے، معرکہ حق کے بعد معرکہ معیشت میں کامران ٹیسوری کا کردار تھا، فاروق ستار
ڈاکٹر فاروق ستار کا بیان
کراچی(ڈیلی پاکستان آن لائن) متحدہ قومی موومنٹ (ایم کیو ایم) پاکستان کے سینئر رہنما ڈاکٹر فاروق ستار نے کہا ہے کہ ہمیں بار بار بتایا گیا کہ گورنر کامران ٹیسوری ہی ہوں گے۔
یہ بھی پڑھیں: وزیر خارجہ اسحاق ڈار کا ایرانی ہم منصب سید عباس عراقچی سے رابطہ، بحران کا پرامن اور مذاکراتی حل حاصل کرنے کے لیے فوری سفارتی رابطوں پر زور دیا
معاہدہ کی وضاحت
جیو نیوز کے پروگرام جیو پاکستان میں گفتگو کرتے ہوئے ڈاکٹر فاروق ستار کا کہنا تھا کہ ہمارا ن لیگ سے معاہدہ ہے، پیپلز پارٹی سے نہیں۔ انہوں نے مزید کہا کہ ن لیگ سمجھتی ہے کہ پیپلز پارٹی عزیز ہے تو رکھیں۔
یہ بھی پڑھیں: دنیا میں خواتین کے لیے بہترین ملک: ‘یہاں فیمنزم کی جنت نہیں’
کامران ٹیسوری کا کردار
ان کا کہنا تھا کہ معرکہ حق کے بعد معرکہ معیشت میں کامران ٹیسوری کا کردار تھا۔ فاروق ستار نے کہا کہ بالا ہی بالا فیصلہ ہو رہا ہے۔ ہمیں اپنی ساکھ برقرار رکھنے کیلئے یہ ریڈ لائن ہونا چاہیے۔
گورنر کی تبدیلی کے امور
ایم کیو ایم رہنما کا کہنا تھا کہ گورنر کی تبدیلی پر خالد مقبول افطار کے بعد اجلاس بلائیں گے۔
