کامران ٹیسوری کو نہ گورنر بننے کے وقت پتہ تھا نہ جاتے وقت پتہ لگا، عبد القادر پٹیل

کراچی میں نادرا سینٹر کا افتتاح

پیپلز پارٹی کے رہنما عبدالقادر پٹیل نے کہا ہے کہ کامران ٹیسوری کو نہ گورنر بننے کے وقت پتہ تھا نہ جاتے وقت پتہ لگا۔ عبدالقادر پٹیل نے کراچی میں نادرا ماڑی پور سینٹر کا افتتاح کیا۔ اس موقع پر ڈی جی نادرا سندھ عامر علی نے عبدالقادر پٹیل کو بریفنگ دی۔

یہ بھی پڑھیں: بھارتی کھلاڑیوں پر پاکستان کے خلاف بولنے کے لیے دباؤ ہوتا ہے: شاہد آفریدی

میڈیا سے گفتگو

بعدازاں میڈیا سے گفتگو کرتے ہوئے عبدالقادر پٹیل نے کہا کہ وفاق سے گزارش کرتا ہوں کہ بابو بھائی کو بھی وزارت میں لگایا جائے۔ انہوں نے مزید کہا کہ کامران ٹیسوری کے جانے کے بعد فاروق ستار اکیلے ہوگئے ہیں۔

یہ بھی پڑھیں: اورنگی ٹاؤن میں اپنی اہلیہ کو قتل کرنے والا ملزم مانسہرہ سے فرار

گورنر کے عہدے کی اہمیت

عبدالقادر پٹیل نے بیان دیا کہ گورنر صوبے کا سب سے اہم عہدہ ہوتا ہے، آئین میں گورنر کی حدود طے کی گئی ہیں۔ اگر کوئی بندہ حدود کا خیال نہیں رکھے گا تو پھر ایسے ہی حالات پیش آتے ہیں۔

یہ بھی پڑھیں: سندھ طاس معاہدہ معطل کرنے کی بھارتی گیدڑ بھبکیوں پر ورلڈ بینک بھی بول پڑا

صوبے کی تقسیم کی مخالفت

انہوں نے مزید کہا کہ صوبے کی بات اور تقسیم کی بات نا مناسب ہے۔ آج جس نادرا سینٹر کا افتتاح اس علاقے میں ہوا ہے، یہاں لوگ صدیوں سے آباد ہیں، اور ہر قومیت کے لوگ بھائیوں کی طرح بستے ہیں۔

یہ بھی پڑھیں: بلوچستان : نوشکی کے بازار میں پولیس موبائل کے قریب دستی بم کا دھماکہ

ایم کیو ایم کا موقف

عبدالقادر پٹیل نے ایم کیو ایم پر تنقید کرتے ہوئے کہا کہ وہ تقسیم کی بات کرتے ہیں اور قومی اسمبلی میں ترمیم لے کر گھوم رہے ہیں۔

صوبائی قراردادوں کا ذکر

رہنما پیپلز پارٹی نے مزید کہا کہ پنجاب اسمبلی نے قرارداد منظور کی ہے کہ صوبہ بنایا جائے، مگر وہاں صوبے کی بات نہیں ہو رہی ہے۔ سندھ اسمبلی نے بارہا صوبے کے خلاف قراردادیں منظور کی ہیں۔ انہوں نے واضح کیا کہ وہاں بیٹھ کر تقسیم کی بات کرنا محض نفرتوں کو بڑھانے کے مترادف ہے۔