حکومت کے ساتھ اعتماد میں بہت کمی آئی ہے: خالد مقبول صدیقی

ایم کیو ایم پاکستان کے چیئرمین کا بیان

متحدہ قومی موومنٹ (ایم کیو ایم) پاکستان کے چیئرمین ڈاکٹر خالد مقبول صدیقی نے کہا ہے کہ حکومت کے ساتھ اعتماد میں بہت کمی آئی ہے۔ گورنر کی تبدیلی پر وفاقی حکومت کو ہمیں اعتماد میں لینا چاہیے تھا۔

یہ بھی پڑھیں: کے پی حکومت نے مریم نواز کی ائیر ایمبولنس کے مقابلے میں رکشہ چلا دیا : عظمٰی بخاری

سالانہ امدادی پروگرام پر میڈیا سے گفتگو

ایم کیو ایم پاکستان کے تحت سالانہ امدادی پروگرام کی تقریب کے بعد میڈیا سے گفتگو کرتے ہوئے خالد مقبول صدیقی کا کہنا تھا کہ کامران ٹیسوری بہت اعتماد سے گورنر ہاؤس چھوڑ کر گئے ہیں۔

یہ بھی پڑھیں: بینظیر انکم سپورٹ پروگرام کے فنڈز سے غیر مستحق سرکاری ملازمین کو 23 ارب 68 کروڑ روپے دینے کا انکشاف

سندھ کے شہری علاقوں کی نمائندگی

چیئرمین ایم ایم کیو ایم پاکستان کا کہنا تھا کہ حکومت سے بات کی کہ سندھ کے شہری علاقوں سے گورنر بننے کی روایت تھی۔ سندھ کے شہری علاقوں کا مینڈیٹ ہمارے پاس ہمیشہ سے رہا ہے۔ ہماری حکومت کے ساتھ اعتماد میں بہت کمی آئی ہے۔ کراچی کے فنڈز سے موٹرویز بنتے ہیں مگر کراچی حیدرآباد کا کوئی موٹروے نہیں ہے۔ ہیوی ٹریفک شہر کے بیچ سے گزرتا ہے اور کتنے لوگوں کو کچل دیتا ہے۔

زمینوں پر قبضے اور مردم شماری

ڈاکٹر خالد مقبول صدیقی نے کہا کہ کراچی میں جس طرح زمینوں پر قبضہ ہوا ہے، لگتا ہے کہ اس پر قومی اتفاق رائے ہے۔ مردم شماری میں ایم کیو ایم پاکستان نے 70 لاکھ لوگ بازیاب کروائے۔ ہم نے انتخابات سے قبل کہا تھا کہ تعلیم کی وزارت مل گئی تو تعلیمی ایمرجنسی لگائیں گے۔ ہم نے صدر سے درخواست کی کہ کراچی میں اعلیٰ تعلیم سے متعلق اپنا کردار ادا کریں۔