امید ہے نیشنل پریس کلب کی نو منتخب قیادت جمہوری اقدار کے استحکام کیلیے اپنی ذمہ داریاں ادا کرے گی: اپوزیشن رہنما ؤں کا پیغام

تحریک تحفظ آئین پاکستان کی مبارکباد

اسلام آباد (ڈیلی پاکستان آن لائن) سربراہ تحریک تحفظ آئین پاکستان اور قائد حزب اختلاف قومی اسمبلی محمود خان اچکزئی اور قائد حزب اختلاف سینٹ علامہ ناصر عباس اور دیگر اپوزیشن رہنماؤں نے نیشنل پریس کلب اسلام آباد کے حالیہ انتخابات میں کامیاب ہونے والے نو منتخب صدر عبدالرزاق سیال سمیت تمام عہدیداران کو دلی مبارکباد پیش کی ہے۔

یہ بھی پڑھیں: خیبر پختونخوا؛ سیکیورٹی فورسز کی کارروائیوں میں بھارتی پراکسی فتنۃ الخوارج کے 13 دہشتگرد ہلاک

نیشنل پریس کلب کی اہمیت

اپوزیشن رہنماؤں کی جانب سے جاری مشترکہ بیان میں کہا گیا ہے کہ نیشنل پریس کلب اسلام آباد ملک میں صحافت کے فروغ اور صحافیوں کے حقوق کے تحفظ کے لیے ایک اہم اور مؤثر ادارہ ہے۔ بیان میں امید ظاہر کی گئی کہ نو منتخب قیادت صحافی برادری کی فلاح و بہبود، پیشہ ورانہ آزادی اور جمہوری اقدار کے استحکام کے لیے اپنی ذمہ داریاں احسن انداز میں ادا کرے گی۔

یہ بھی پڑھیں: شیر افضل مروت نے زہر دیئے جانے کی خبروں پر خاموشی توڑ ڈالی

آزاد صحافت کی بنیاد

بیان میں کہا گیا کہ آزاد اور ذمہ دار صحافت کسی بھی جمہوری معاشرے کی بنیاد ہوتی ہے اور نیشنل پریس کلب ہمیشہ صحافیوں کی نمائندگی اور ان کے مسائل کے حل کے لیے اہم کردار ادا کرتا رہا ہے۔ توقع رکھتے ہیں کہ نئی منتخب باڈی صحافیوں کے پیشہ ورانہ مسائل کے حل، آزادیٔ اظہار کے فروغ اور صحافتی اقدار کے تحفظ کے لیے مؤثر اقدامات کرے گی۔

یہ بھی پڑھیں: مشرف علی زیدی وزیرِاعظم کے غیر ملکی میڈیا کے ترجمان مقرر

کامیاب امیدواروں کو مبارکباد

اپوزیشن قیادت نے نو منتخب صدر عبدالرزاق سیال کو کامیابی پر تہہ دل سے مبارکباد پیش کرتے ہوئے کہا کہ کے صدر عبدالرزاق سیال، سیکرٹری ڈاکٹر فرقان راؤ، فنانس سیکرٹری عابد عباسی اور دیگر کامیاب امیدواروں کی کامیابی صحافتی برادری کے اعتماد کا مظہر ہے۔

یہ بھی پڑھیں: شراب و اسلحہ برآمدگی کیس ؛ علی امین گنڈاپور کی حاضری سے استثنیٰ کی درخواست پر سماعت ملتوی

نومنتخب عہدیداران کا کردار

بیان میں مزید کہا گیا کہ نومنتخب عہدیداران ملک میں جمہوریت کے فروغ اور عوامی مسائل کو اجاگر کرنے میں اپنا بھرپور کردار ادا کریں گے۔ اپوزیشن رہنماؤں نے اس امید کا اظہار کیا کہ نئی قیادت صحافیوں کو درپیش چیلنجز کا جرأت اور عزم کے ساتھ مقابلہ کرے گی اور صحافیوں کی فلاح و بہبود کے لیے مؤثر اقدامات کرے گی۔

نئی قیادت کا عزم

آخر میں اپوزیشن قیادت نے کہا کہ انہیں یقین ہے کہ نو منتخب قیادت صحافتی برادری کے اعتماد پر پورا اترتے ہوئے نیشنل پریس کلب کو مزید فعال اور مضبوط ادارہ بنانے میں اپنا کردار ادا کرے گی۔