ایران کی متحدہ عرب امارات کو سخت وارننگ، امریکی فوج کے ٹھکانوں کو نشانہ بنانا قانونی حق ہے، پاسداران انقلاب

ایران کا متحدہ عرب امارات کو سخت پیغام

تہران (ڈیلی پاکستان آن لائن) ایرانی پاسداران انقلاب نے متحدہ عرب امارات کی قیادت کو سخت پیغام دیتے ہوئے کہا ہے کہ ایران کو یہ حق حاصل ہے کہ وہ امارات میں موجود ان مقامات کو نشانہ بنائے جہاں سے ایران کے خلاف میزائل حملے کیے جا رہے ہیں۔

یہ بھی پڑھیں: جموں و کشمیر عوامی دست و بازو پارٹی کا پہلا یوم تاسیس دبئی میں منایا گیا

ایرانی تحفظات

الجزیرہ کےمطابق ایرانی پاسداران انقلاب کے مطابق امریکی افواج خطے میں اپنی بعض فوجی تنصیبات تباہ ہونے کے بعد متحدہ عرب امارات کے شہروں میں موجود بندرگاہوں، ڈاکس اور فوجی ٹھکانوں کو پناہ گاہ کے طور پر استعمال کر رہی ہیں اور وہاں سے ایران کے خلاف کارروائیاں کی جا رہی ہیں۔ اس صورتحال میں ایران اپنی خودمختاری کے دفاع کے لیے ان مقامات کو نشانہ بنانے کا حق محفوظ رکھتا ہے۔

یہ بھی پڑھیں: ایران نے اسرائیلی مذہبی رہنما کے قتل کے الزام پر ردعمل جاری کر دیا

ممکنہ ہدف

بیان میں کہا گیا کہ ایران کی مسلح افواج امریکی فوج کے ان ٹھکانوں، شپنگ پورٹس اور فوجی بنکروں کو ممکنہ ہدف بنا سکتی ہیں جہاں سے میزائل یا عسکری کارروائیوں کی منصوبہ بندی کی جا رہی ہے۔ ایرانی حکام کے مطابق اگر ایران پر حملے جاری رہے تو جوابی کارروائی مزید وسیع اور شدید ہو سکتی ہے۔

عوام کے لیے ہدایت

ایرانی پاسداران انقلاب نے متحدہ عرب امارات کی عوام کو بھی خبردار کرتے ہوئے کہا کہ وہ ان علاقوں سے دور رہیں جہاں امریکی فوجی تنصیبات یا متعلقہ انفراسٹرکچر موجود ہے تاکہ کسی ممکنہ حملے کی صورت میں جانی نقصان سے بچا جا سکے۔

BREAKING: Iran's Khatam al-Anbiya Central Headquarters sent a message to UAE leaders, saying, "We have the right to strike the source of the missiles at shipping ports and US military bunkers." pic.twitter.com/SUJ6jF24cb

— Al Jazeera Breaking News (@AJENews) March 14, 2026