ملک بھر کے میڈیکل اور ڈینٹل کالجز کی فیسوں میں اضافہ کردیا گیا

میڈیکل اور ڈینٹل کالجز میں فیسوں کا اضافہ

اسلام آباد (ڈیلی پاکستان آن لائن) ملک بھر کے میڈیکل اور ڈینٹل کالجز کی فیسوں میں اضافہ کردیا گیا۔

یہ بھی پڑھیں: جسٹس ڈوگر کا لاہور ہائیکورٹ میں سینیارٹی لسٹ میں 15واں نمبر تھا، اسلام آباد ہائیکورٹ میں سینیارٹی کیسے اور کس اصول کے تحت دی گئی،جسٹس نعیم اختر افغان

نئی فیسوں کی حد

سما ٹی وی کے مطابق پی ایم ڈی سی نے فیسوں کی نئی حد مقرر کر دی ہے جس کے تحت 19 بڑے میڈیکل کالجز کی فیسوں میں اضافہ کیا گیا ہے، نئی فیس 17 لاکھ سے 22 لاکھ روپے کے درمیان مقرر کی گئی ہے۔

یہ بھی پڑھیں: گولڈن ڈوم کے اعلان کے بعد امریکہ نے جوہری صلاحیت والے میزائل منیٹ مین تھری کا تجربہ کرلیا، اس کی رینج کتنی ہے؟ ہلچل مچ گئی

اسلام آباد کا نجی میڈیکل کالج

اسلام آباد کے نجی میڈیکل کالج کی فیس سب سے زیادہ 21 لاکھ 47 ہزار مقرر کی گئی ہے۔ فیسوں میں اضافے کا اطلاق 2024-25 سے تمام سالوں کے طلبا پر یکساں ہو گا۔ 20 نجی میڈیکل کالجز کی فیس اضافے کے کیسز آڈٹ رپورٹ کی عدم موجودگی پر مسترد کر دیئے گئے۔

مسترد ہونے والے کیسز کی تفصیلات

مسترد ہونے والے اداروں کی گزشتہ سیشن کی فیس 18 لاکھ، رواں برس 18 لاکھ 90 ہزار رہے گی۔ متعلقہ نجی میڈیکل کالجز کو زائد فیس لینے کی اجازت نہیں ہو گی۔ خلاف ورزی کرنے والے اداروں کو 20 لاکھ جرمانہ، رجسٹریشن معطلی ہو گی۔ زائد وصول کی گئی فیس 1 ماہ کے اندر طلبا کو واپس کی جائے۔