ستاروں کی روشنی میں آپ کا آئندہ ہفتہ کیسا گزرے گا؟

برج حمل (سیارہ مریخ) 21 مارچ سے 20 اپریل

صورت ِحال تو بحکم اللہ بہتر ہو رہی ہے۔ آپ کی اب تمام مشکلات ختم ہوں گی۔ آپ جس بھی کام میں ہاتھ ڈالیں گے وہ ہو جائے گا۔ رکاوٹیں جس قدر بھی تھیں وہ اب باقی نہیں رہی ہیں۔ آپ کو اس ہفتے مالی حوالے سے بھی فائدہ ہو گا اور روحانی حوالے سے بھی اور جس طرف امید لگا کر رکھی ہوئی تھی وہ بھی اب پوری ہوتی دکھائی دے رہی ہے۔ یہ شاندار ہفتہ ثابت ہوگا。

یہ بھی پڑھیں: رواں مالی سال کے پہلے 8 ماہ میں مجموعی درآمدات 45 ارب ڈالر سے تجاوز کر گئیں

برج ثور (سیارہ زہرہ) 21 اپریل سے 20 مئی

جن لوگوں نے اپنے روزگار میں پہلے کافی دنوں پریشانیاں اور مشکلات دیکھی ہیں وہ اب اس میں شاندار بہتری دیکھ سکیں گے اور جو بھی رکاوٹیں تنگ کررہی ہیں وہ دور ہوںگی بلکہ جس جگہ رقم بلاک تھی ، اب اس کی واپسی بھی ممکن ہو سکے گی۔ اس وقت سفر کا خانہ بھی کھلا ہوا ہے، خواہشمند افراد کو اچھا موقع ملے گا وہ اس سے مکمل فائدہ اٹھا لیں، قسمت ساتھ دے گی۔

یہ بھی پڑھیں: ایف سی ہیڈ کوارٹرز پر خودکش حملے میں شہید ہونے والے 3 اہلکاروں کی نماز جنازہ ادا کردی گئی

برج جوزہ (سیارہ عطارد) 21 مئی سے 20 جون

آپ کی زندگی میں اب خوبصورت تبدیلی کا عمل شروع ہو چکا ہے اور برسوں کے بعد قسمت نے ایسا موقع عطا کیا ہے، آپ اس کا پورا پورا فائدہ اٹھا لیں اور کوشش کریں کہ آپ کی توجہ زیادہ تر روزگار کے حصول کی طرف ہو۔ انشاءاللہ اس میں بڑی برکت ہوگی۔ اگر آپ کو کسی جانب سے کوئی آفر ملے تو اس کو ہاتھ سے مت جانے دیں۔ بڑا فائدہ ہوگا۔

یہ بھی پڑھیں: امریکا اور قطر نے مشرقِ وسطیٰ میں پہلا دوطرفہ ایئر ڈیفنس کمانڈ سینٹر قائم کر دیا: سینٹ کام

برج سرطان (سیارہ چاند) 21 جون سے 20 جولائی

ملازمت میں تبادلے کا امکان موجود ہے اور جو لوگ نوکری کے لئے کوشش کررہے ہیں، امید ہے ان کو خوشخبری ملے گی۔ البتہ اپنوں کے ساتھ اختلافات والا خانہ اب کھلا ہوا ہے۔ اس حوالے سے محتاط رہیں۔ خطرہ ہے کہ کسی جھگڑے کے نتیجے میں ایک عرصے تک آپسی تعلقات بحال نہ ہو سکیں۔ خاص طور پر وراثتی امور میں ایسا مسئلہ نظر آتا ہے۔ یہ ہفتہ غصے کے بجائے حکمت سے کام کا مشورہ دے رہا ہے۔

یہ بھی پڑھیں: چیف جسٹس لاہور ہائیکورٹ کا بڑا فیصلہ، نظر بندی کیس پر نیا لارجر بینچ تشکیل

برج اسد (سیارہ شمس) 21 جولائی سے 21 اگست

ایک اہم ذمہ داری کا بوجھ برداشت کرنا پڑے گا۔ آپ پچھلے دنوں سے جو خطرہ محسوس کررہے تھے وہ لگتا ہے اب سر پر آ گیا ہے۔ ان دنوں آپ کو بہت حکمت سے کام لینا ہوگا۔ کسی بھی طرف سے تھوڑا سا بھی خطرہ دکھائی دے تو اپنے قدم فوری پیچھے کرلیں اور یہ جو موبائل پر شرارت ہو رہی ہے اس سے توبہ کرلیں۔ آپ کو اندازہ نہیں کہ اس کے نتائج کس قدر پریشان کریں گے۔

یہ بھی پڑھیں: سپریم کورٹ نے بانی پی ٹی آئی عمران خان کے 13 مختلف مقدمات سماعت کے لیے مقرر کر دیے

برج سنبلہ (سیارہ عطارد) 22 اگست سے 22 ستمبر

جو لوگ کافی دنوں سے کسی بھی مشکل میں گرفتار ہیں، وہ انشاءاللہ اب اس سے نکلنے میں کامیاب ہوں گے اور جن لوگوں کو کسی بھی قسم کی انکوائری وغیرہ کا سامنا ہے، وہ اس سے باہر نکل سکیں گے۔ اس وقت روزگار کا خانہ انشاءاللہ شاندار پوزیشن پر آ رہا ہے۔ آپ کو اب اپنی پوری توجہ اس طرف دینا ہوگی اور پورا ہفتہ پیسے کی آمد ہوتی رہے گی۔

یہ بھی پڑھیں: 12 ویں منزل سے نیچے گرنے والی خاتون کرشماتی طور پر زندہ بچ گئی

برج میزان (سیارہ زہرہ) 23 ستمبر سے 22 اکتوبر

آپ ذہنی مریض بن رہے ہیں، ہربات کو دل سے لگا لیتے ہیں اور سمجھتے ہیں کہ جو بھی ہو رہا ہے اس میں آپ کا کوئی کردار ہے۔ اس وجہ سے اپنے کاموں پر فوکس نہیں دے رہے اور کچھ اکیلے ہوتے جا رہے ہیں جیسے سب مخالف ہوگئے ہوں۔ ان حالات میں آپ کو نماز کی طرف آنا چاہیے۔ یاحی یا قیوم کا ورد اور 350 مرتبہ درود شریف روزانہ پڑھنا بے حد فائدہ مند ثابت ہوگا۔

یہ بھی پڑھیں: بلوچستان میں انسداد پولیو مہم ایک بار پھر موخر کردی گئی

برج عقرب (سیارہ مریخ) 23 اکتوبر سے 22 نومبر

اللہ نے چاہا تو اب وہ مشکلات باقی نہیں رہیں گی جو کافی دنوں سے آپ کو تنگ کررہی تھیں۔ آپ کو اب اپنے کاموں میں انشاءاللہ آسانیاں محسوس ہوں گی اور جہاں سے امید نہیں تھی، وہاں سے اللہ پاک سلسلہ بنا دیں گے اور آپ کو اس مقام سے ملے گا جو کبھی آپ کے لئے بند ہو چکا تھا۔ اس وقت روزگار کے حوالے سے اب اچھی خبریں ملنے کے امکانات روشن ہیں۔

یہ بھی پڑھیں: افغان کھلاڑی نے کرکٹ میں انوکھا کام کر دکھایا

برج قوس (سیارہ مشتری) 23 نومبر سے 20 دسمبر

آپ جس بھی مسئلے میں ہیں، انشاءاللہ غیبی انداز میں اس سے نکلنے میں کامیاب ہوں گے۔ وہاں سے آپ کی مدد آئے گی جہاں سے آپ کے گمان میں بھی نہیں تھا۔ جو لوگ عرصہ دراز سے روزگار کے معاملات کی وجہ سے پریشان تھے، ان کے لئے خاص طور پر بڑی خوشخبری ہے اور جہاں آپ کی رقم وغیرہ بلاک ہوگی، اس کے مل جانے کے امکانات بھی روشن دکھائی دے رہے ہیں۔

یہ بھی پڑھیں: تھل کے لوگ صبح اپنے تربوز کے فیلڈ میں جاتے ہیں، تربوز کھاتے ہیں، بیج نکال کر سنبھال لیتے ہیں اور گندم کے ساتھ بھون کر کھاتے ہیں

برج جدی (سیارہ زحل) 21 دسمبر سے 19 جنوری

اس وقت آپ کو باہر سے زیادہ اندر سے خطرہ ہے۔ آپ جس بھی مسئلے میں ہیں اس میں مخالفین کا اثر ہو سکتا ہے۔ بدنظری تو پہلے ہی تنگ کررہی ہے۔ حاسدین کی نظریں آپ پر ہیں۔ آپ اپنا صدقہ دیں اور سورۃ قلم کی آخری دو آیات صبح و شام پڑھ لیا کریں۔ آپ کو جہاں شک ہے وہاں پر مت جائیں۔ چند دن تک بعد نمازِ مغرب گھر سے باہر بھی نہ نکلیں۔

یہ بھی پڑھیں: آج بھی ترکی کے عوام کی دعائیں دل اور امداد پاکستانیوں کے ساتھ ہیں :ترک خاتون اول امینہ اردوان کا پاکستانی عوام کیلئے جذباتی پیغام

برج دلو (سیارہ زحل) 20 جنوری سے 18 فروری

ایک طرف سے جو خطرہ کافی دنوں سے محسوس کیا جا رہا ہے، وہ اب انشاءاللہ ختم ہو رہا ہے۔ آپ لاکھ مشکلات میں کیوں نہ ہوں، آپ خود ہی دیکھیں گے کہ کس کس انداز سے آپ کی مدد ہوتی ہے۔ اس وقت آپ کو صرف اپنی اصلاح کرنی ہے اور صورتِ حال پر نظر رکھنی ہے۔ آپ کو مالی فائدہ بھی ملے گا، روحانی بھی اور بعض افراد کو تبدیلی کے مواقع نصیب ہوں گے۔

سیارہ مشتری (19 فروری سے 20 مارچ)

ایک بڑی ذمہ داری کا بوجھ کم ہو سکتا ہے۔ آپ کو اب کافی معاملات میں سکون کا سانس نصیب ہوگا اور جس بھی طرف امید لگا رکھی ہے، وہ پوری ہو سکے گی۔ اس وقت روزگار کے حوالے سے کچھ ایسا ہونے جا رہا ہے کہ آپ کو برسوں کے بعد اب شاندار وقت کا سامنا ہوگا اور آپ کی زندگی میں خوشیوں کا ایک نیا دور شروع ہوگا۔ صرف نیت صاف رکھیں۔