دنیا بھر میں مسلمانوں کے خلاف نفرت اور تعصب کے خاتمے کی ضرورت ہے: صدر زرداری

اسلام آباد میں صدر زرداری کا بیان

اسلام آباد(ڈیلی پاکستان آن لائن) صدر مملکت آصف علی زرداری کا کہنا ہے دنیا بھر میں مسلمانوں کے خلاف نفرت اور تعصب کے خاتمے کی ضرورت ہے۔

یہ بھی پڑھیں: موجودہ آسٹریلوی ٹیم کو اپنی غلطیوں کا سامنا کرنا ہوگا تاکہ آئندہ کامیابی حاصل کی جا سکے، رکی پونٹنگ

اسلاموفوبیا کے خلاف پیغام

اسلاموفوبیا کے تدارک کے عالمی دن پر اپنے پیغام میں صدر مملکت آصف علی زرداری نے کہا کہ اسلام امن، ہمدردی اور انصاف کا دین ہے, اسلام کو انتہا پسندی سے جوڑنا لاعلمی کی عکاسی ہے۔

یہ بھی پڑھیں: لاہور کے علاقے شادی پورہ سے مدرسے کا طالب علم اغوا

عالمی برادری کی ذمہ داری

انہوں نے کہا کہ عالمی برادری نفرت انگیز جرائم کے خلاف قانونی تحفظ کو مضبوط بنائے۔ اظہارِ رائے کی آزادی کو نفرت پھیلانے کے لیئے استعمال نہیں ہونا چاہیے۔ مذہبی تنوع کے احترام اور بین المذاہب ہم آہنگی کو فروغ دینا بھی ضروری ہے۔

یہ بھی پڑھیں: میرے ایک ڈرامے کا معاوضہ آٹو کی قیمت سے زیادہ ہے: مہک ملک

کرائسٹ چرچ سانحہ اور پاکستانی کمیونٹی

صدر پاکستان کا کہنا تھا کہ کرائسٹ چرچ سانحہ انسانیت کے ضمیر کو جھنجھوڑنے والا واقعہ تھا۔ پاکستان اسلاموفوبیا کے خلاف عالمی فورمز پر مسلسل آواز اٹھاتا رہا ہے۔ بیرون ملک پاکستانی معاشروں کی ترقی میں اہم کردار ادا کر رہے ہیں، جبکہ مسلمانوں کے خلاف تعصب ان کے تحفظ کو متاثر کرتا ہے۔

یہ بھی پڑھیں: پارلیمنٹ ہاوس کی راہداریوں میں موبائل فون ویڈیوز بنانے پر پابندی عائد

اقلیتوں کے حقوق کا تحفظ

ان کا کہنا ہے کہ پاکستان میں اقلیتوں کو مساوی حقوق اور مواقع فراہم کیے جا رہے ہیں۔ اقلیتوں کے حقوق کے تحفظ کے لیے آزاد قومی کمیشن قائم کیا جا رہا ہے۔

بین الاقوامی تعاون کی ضرورت

آصف علی زرداری کا کہنا تھا کہ عالمی برادری تعصب کے خاتمے اور مکالمے کے فروغ کے لیے مل کر کام کرے۔ مذہبی عقائد کا احترام اور مساوی قانونی تحفظ عالمی ذمہ داری ہے۔