شریف فیملی نے جنید صفدر کے ویانا جانے کی خبر کو جھوٹ قرار دے دیا

شریف فیملی کا بیان

لاہور(ڈیلی پاکستان آن لائن) شریف فیملی نے جنید صفدر کے ویانا جانے کی خبر کو جھوٹ قرار دے دیا۔

یہ بھی پڑھیں: خیبرپختونخوا کابینہ اجلاس کی اندرونی کہانی سامنے آگئی

ترجمان کا مؤقف

نجی ٹی وی سما نیوز کے مطابق ترجمان شریف فیملی کی جانب سے جاری بیان میں کہا گیا کہ جنید صفدر اپنی اہلیہ کے ہمراہ رائیونڈ میں اپنے گھر پر ہیں۔ جنید صفدر جھوٹ، فیک نیوز پھیلانے والوں کے خلاف قانونی کارروائی کا حق محفوظ رکھتے ہیں۔

یہ بھی پڑھیں: اسرائیل اور ایران نے دو عشروں میں جنگ کے لیے کون سی تیاریاں کی ہیں؟

صحافی کے دعوے کا پس منظر

خیال رہے کہ ایک صحافی کی جانب سے دعویٰ کیا گیا تھا کہ پنجاب حکومت کی جانب سے خریدا گیا 40 ملین ڈالر مالیت کا گلف اسٹریم جی 500 طیارے میں جنید صفدر اپنے ہنی مون کے لیے ویانا گئے ہیں۔

سوشل میڈیا پر تنقید

صحافی کے دعوے کے بعد سوشل میڈیا پر شریف فیملی کو کافی تنقید کا سامنا کرنا پڑا، کیونکہ اس جیٹ کے آپریشنل اخراجات بہت زیادہ ہیں، جن میں غیر ملکی پائلٹس کی تنخواہیں بھی شامل ہیں۔