سابق پاکستانی کھلاڑی نے سلمان آغا کے رن آؤٹ کو درست قرار دے دیا

مشتاق احمد کا رن آؤٹ فیصلے پر جواب

لاہور(ڈیلی پاکستان آن لائن) بنگلا دیش کے سپن بولنگ کوچ مشتاق احمد نے سلمان آغا کے رن آؤٹ کو درست قرار دے دیا۔

یہ بھی پڑھیں: فیصل آباد میں میاں بیوی کی لڑائی میں مبینہ طور پر اسٹیل کا گلاس لگنے سے بچی جاں بحق

مؤقف کی وضاحت

نجی ٹی وی چینل ایکسپریس نیوز کے مطابق میڈیا سے گفتگو کرتے ہوئے انھوں نے کہا کہ سب اتنی تیزی سے ہوا کہ ہمیں بھی کچھ سمجھ نہیں آیا، مہدی حسن میراز کو لگا کہ کریز کے باہر موجود سلمان آغا گیند روکنے کی کوشش کر رہے ہیں، اسی وقت سلمان کو محسوس ہوا کہ وہ گیند واپس دینے میں مدد کر سکتے ہیں، اسی لیے وہ جھکے۔

یہ بھی پڑھیں: پنجاب کے سیلاب متاثرین میں وبائی امراض تیزی سے پھیلنے لگے، 24 گھنٹوں میں 33 ہزار سے زائد مریض رپورٹ

فیصلے کی پیچیدگی

مشتاق احمد نے کہا کہ مجھے بھی واقعی نہیں پتا کہ کون صحیح تھا، گیند پکڑ کر رن آؤٹ کی کوشش میراز کا قدرتی ردعمل تھا کیونکہ بیٹر کریز کے باہر تھے، دونوں فریقین اس وقت غلط نہیں تھے۔

سپن بولنگ کوچ کی رائے

سپن بولنگ کوچ نے مزید کہا کہ بطور بولر جب آپ گیند روکیں تو رن آؤٹ کی کوشش کر رہے ہوتے ہیں، سلمان کریز سے کافی دور تھے، انھیں لگا بال ڈیڈ ہو چکی ہے، میراز نے کوئی غلطی نہیں کی۔