تیسرا ون ڈے: پاکستان کی امپائر کے فیصلے پر میچ ریفری سے شکایت

پاکستان کرکٹ ٹیم کی شکایت

ڈھاکہ(ڈیلی پاکستان آن لائن) پاکستان کرکٹ ٹیم نے میرپور میں کھیلے گئے تیسرے ون ڈے کے دوران امپائر کے متنازع فیصلے پر میچ ریفری نعیم راشد سے باضابطہ شکایت درج کرادی ہے۔

یہ بھی پڑھیں: پی ٹی آئی کا آج سول نافرمانی تحریک شروع نہ کرنے کا فیصلہ

متنازع ریویو پر اعتراض

نجی ٹی وی چینل دنیا نیوز کے مطابق پاکستانی ٹیم مینجمنٹ نے آن فیلڈ امپائر کمار دھرماسینا کی جانب سے بنگلا دیش کو ایل بی ڈبلیو ریویو لینے کی اجازت دینے پر اعتراض اٹھایا ہے۔ پاکستان کا مؤقف ہے کہ بنگلا دیش نے ریویو اس وقت لیا جب گیند کی ری پلے سٹیڈیم کی بڑی سکرین پر دکھائی جا چکی تھی۔

یہ بھی پڑھیں: آئندہ 10 سال میں آئی فون کچرا بن جائے گا: ایپل عہدیدار

اہم واقعہ کا پس منظر

مذکورہ واقعہ تیسرے ون ڈے کے آخری اوور کی دوسری آخری گیند پر پیش آیا، جب پاکستان کو جیت کے لیے دو گیندوں پر 12 رنز درکار تھے، بنگلا دیش کے لیگ اسپنر رشد حسین کی گیند لیگ سائیڈ پر نکل گئی جسے امپائر نے وائیڈ قرار دیا۔

یہ بھی پڑھیں: برطانیہ میں چار بڑے ہاتھیوں کے وزن کے برابر تین لاکھ پاؤنڈ پنیر غائب ہو گئی

بنگلا دیش کا ریویو

کچھ دیر مشاورت کے بعد بنگلا دیش نے ایل بی ڈبلیو کا ریویو لے لیا، حالانکہ بظاہر گیند بیٹر شاہین آفریدی کے جسم سے کافی دور تھی۔ پاکستان کا کہنا ہے کہ قوانین کے مطابق ریویو کا فیصلہ اس وقت تک کرنا ہوتا ہے جب تک ری پلے کھلاڑیوں کو نظر نہ آئے، مگر اس موقع پر بڑی سکرین پر گیند کا ری پلے دکھایا جا چکا تھا۔

یہ بھی پڑھیں: سعودی ولی عہد شہزادہ محمد بن سلمان جلد پاکستان کا دورہ کریں گے: سفیرِ پاکستان برائے سعودی عرب احمد فاروق

ڈی آر ایس کا اثر

ڈی آر ایس میں بال ٹریکنگ سے پہلے اس وقت اسپائک سامنے آیا جب گیند بلے کے نچلے حصے کے قریب سے گزری، جس کے بعد وائیڈ کا فیصلہ واپس لے لیا گیا۔ اس کے نتیجے میں پاکستان کو ایک گیند پر 12 رنز درکار رہ گئے۔

یہ بھی پڑھیں: چیئرمین پاکستان بزنس کونسل شارجہ سید سلیم اختر کی طرف سے پاکستانی کمیونٹی کے اعزاز میں افطار ڈنر کا اہتمام

میچ کا نتیجہ

آخری گیند پر شاہین آفریدی سٹمپ آؤٹ ہوگئے اور بنگلا دیش نے میچ 11 رنز سے جیت کر سیریز 1-2 سے اپنے نام کرلی۔

پاکستان کی مسلسل تحفظات

خیال رہے کہ یہ لگاتار دوسرا میچ ہے جس میں پاکستان نے فیصلوں پر تحفظات کا اظہار کیا ہے، اس سے قبل سلمان علی آغا نے رن آؤٹ پر شیدید غصے کا اظہار کیا تھا جس پر آئی سی سی کی جانب سے انہیں ایک ڈی میرٹ پوائنٹ اور میچ فیس کا 50 فیصد جرمانے کا سامنا کرنا پڑا تھا。