کراچی میں تیز رفتار واٹر ٹینکر کی ٹکر سے ماں جاں بحق اور بیٹی زخمی، شہریوں نے واٹر ٹینکر کو آگ لگا دی

کراچی میں حادثہ

کراچی (ڈیلی پاکستان آن لائن) کورنگی سنگر چورنگی کے قریب تیز رفتار واٹر ٹینکر نے راہ گیر خواتین کو کچل دیا جس کے نتجے میں خاتون جاں بحق اور اُس کی بیٹی زخمی ہوگئی۔

یہ بھی پڑھیں: ایک تلخ حقیقت کا سامنا: بیوی اور بیٹیوں کے لیے پچھتاوا کرنے والے شخص کی داستان

سیاسی صورتحال کے بعد ہونے والا واقعہ

حادثہ عوامی کالونی تھانے کی حدود میں پیش آیا۔ حادثے کے بعد مشتعل شہریوں نے واٹر ٹینکر کو آگ لگائی، جبکہ واٹر ٹینکر کا ڈرائیور موقع سے فرار ہو رہا تھا کہ شہریوں نے اسے پکڑ کر تشدد کا نشانہ بنانے کے بعد رینجرز کے حوالے کردیا۔ واقعے کی اطلاع ملنے پر پولیس موقع پر پہنچی اور فوری طور پر واٹر ٹینکر میں لگی آگ بجھانے کے لیے فائر بریگیڈ کے عملے کو طلب کرلیا۔ فائربریگیڈ کے عملے نے موقع پر پہنچ کر واٹر ٹینکر میں لگی آگ بجھادی، اس دوران واٹر ٹینکر کا اگلا حصہ مکمل طور پر خاکستر ہوگیا۔

یہ بھی پڑھیں: عابد شیر علی بلا مقابلہ سینیٹر منتخب

متاثرین کی شناخت

حادثے میں جاں بحق ہونے والی خاتون کی شناخت 40 سالہ زبیدہ خانم زوجہ محمد حسین اور زخمی بچی کی شناخت 12 سالہ کونین دختر محمد حسین کے نام سے کی گئی۔ دونوں ماں بیٹی کورنگی عوامی کالونی کے رہائشی تھیں۔

یہ بھی پڑھیں: سونا مزید سستا، فی تولہ قیمت کتنی ہو گئی؟

قانونی کارروائی

رینجرز نے حادثے کے ذمہ دار واٹر ٹینکر کے ڈرائیور فقیر محمد کو مزید قانونی کارروائی کے لیے عوامی کالونی پولیس کے حوالے کردیا۔ عوامی کالونی تھانے کے ایس ایچ او کا کہنا ہے کہ پولیس نے حادثے کا مقدمہ متوفیہ خاتون کے شوہر محمد حسین کی مدعیت میں واٹر ٹینکر کے ڈرائیور کے خلاف درج کر کے واقعے کی مزید تفتیش شروع کردی ہے۔

یہ بھی پڑھیں: اسلام آباد راولپنڈی کے درمیان جدید و تیز رفتار ٹرین، سفر 20 منٹ میں طے ہو گا

مزید حادثات

ادھر منگھوپیر ناردرن بائی پاس اورنگی کٹ کے قریب مزدا ٹرک اور چنگچی رکشے کے درمیان تصادم کے نتیجے میں بچوں اور خواتین سمیت 7 افراد زخمی ہوگئے۔ زخمیوں کو فوری طور پر عباسی شہید اسپتال منتقل کردیا گیا۔ زخمیوں میں 30 سالہ سمیری زوجہ شفیق اور اس کی 2 بیٹیاں شامل ہیں۔