محکمہ موسمیات نے عید الفطر پر موسم کی صورتحال کے بارے پیش گوئی کر دی

محکمہ موسمیات کی پیشگوئی

اسلام آباد (ڈیلی پاکستان آن لائن) محکمہ موسمیات نے عید الفطر پر موسم کی صورتحال بارے پیش گوئی کر دی ہے۔ بالائی علاقوں میں عید کے دنوں میں مطلع ابرآلود رہنے کی توقع ہے۔

یہ بھی پڑھیں: عمران خان کی نااہلی پر احتجاج: ملزمان پر فرد جرم کی کارروائی ایک بار پھر مؤخر

مغربی سلسلہ اور بارش کے امکانات

رپورٹ کے مطابق ملک میں 17 مارچ کی شام، رات سے نیا مغربی سلسلہ داخل ہونے کا امکان ہے۔ 18 سے 20 مارچ تک ملک کے بیشتر علاقوں میں آندھی، گرج چمک کے ساتھ بارش متوقع ہے۔

یہ بھی پڑھیں: 40 سال سے زائد عمر کے کھلاڑیوں کا ٹی ٹوئنٹی ورلڈ کپ، پاکستانی اسکواڈ کا اعلان

بلوچستان اور خیبرپختونخوا کی صورتحال

محکمہ موسمیات کے مطابق بلوچستان کے مختلف اضلاع میں 17 سے 20 مارچ تک بارش اور بعض مقامات پر ژالہ باری کا امکان ہے۔ خیبرپختونخوا کے بالائی علاقوں میں بارش جبکہ پہاڑوں پر برفباری متوقع ہے۔

یہ بھی پڑھیں: پاکستان کے لیے پانی کا ایک قطرہ بھی نہیں، بھارتی وزیر آبی وسائل کا اعلان، ۳ منصوبوں پر کام شروع

پنجاب اور اسلام آباد میں بارش

رپورٹ کے مطابق پنجاب اور اسلام آباد میں 17 مارچ کی رات سے 20 مارچ تک وقفے وقفے سے بارش ہونے کا امکان ہے۔ مری، گلیات، راولپنڈی اور اسلام آباد میں آندھی اور ژالہ باری کا بھی امکان ہے۔

یہ بھی پڑھیں: جمادی الاول کا چاند نظر آگیا

Sindh اور دیگر علاقوں کی صورتحال

محکمہ موسمیات کے مطابق سندھ کے مختلف شہروں میں 18 اور 19 مارچ کو بارش اور گرج چمک کی توقع ہے۔ گلگت بلتستان اور کشمیر میں بارش کے ساتھ پہاڑوں پر برفباری متوقع ہے۔

احتیاطی تدابیر

بالائی علاقوں میں لینڈ سلائیڈنگ کا خدشہ ہے۔ سیاحوں کو غیر ضروری سفر سے گریز کی ہدایت کی گئی ہے، جبکہ آندھی اور ژالہ باری سے فصلوں کو نقصان پہنچنے کا خدشہ ہے۔ دن کے درجہ حرارت میں کمی متوقع ہے۔