امریکہ وفادار نہیں اور اسرائیل دشمن ہے، اپنے اور خطے کے مستقبل کے بارے میں سوچیں: علی لاریجانی نے مسلم ممالک کے نام خط لکھ دیا
ایرانی نیشنل سیکیورٹی کونسل کا خط
تہران (مانیٹرنگ ڈیسک) ایرانی نیشنل سیکیورٹی کونسل کے سیکرٹری جنرل علی لاریجانی نے مسلم ممالک کے نام کھلا خط لکھا ہے جسے انہوں نے اپنے ’’ایکس‘‘ اکاؤنٹ پر پوسٹ کیا۔
عبدٌ من عباد الله
علي لاريجاني https://t.co/bwICBtOPRM pic.twitter.com/prh5F02Krh— Ali Larijani | علی لاریجانی (@alilarijani_ir) March 16, 2026
یہ بھی پڑھیں: قائم مقام ریکٹر اسلامک یونیورسٹی کی خراب کارکردگی پر قبلہ ایاز کا چیف جسٹس کو خط
خط کی اہم نکات
علی لاریجانی نے خط میں بتایا کہ ایران کو مذاکرات کے دوران امریکی اور صیہونی حملے کا سامنا کرنا پڑا جس کا مقصد ایران کو توڑنا تھا۔ اس حملے میں سپریم کمانڈر، کئی عام شہری اور فوجی کمانڈر شہید ہوئے۔ چند نادر مواقع کے علاوہ کوئی اسلامی ملک ایرانی عوام کے ساتھ کھڑا نہیں ہوا۔ اس کے باوجود ایرانی عوام نے اپنے مضبوط ارادے کے ساتھ دشمن پر قابو پالیا اور آج دشمن اس سٹریٹیجک بحران سے نکلنے کے قابل نہیں ہے۔
یہ بھی پڑھیں: امریکی اخبار وال سٹریٹ جرنل نے مودی سرکار کے اقلیتوں کے ساتھ تعصب، عدم برداشت اور تنگ نظری کو بے نقاب کر دیا
اسلامی حکومتوں کا موقف
’’جیو نیوز‘‘ کے مطابق علی لاریجانی کا کہنا تھا کہ ایران بڑے اور چھوٹے شیطان یعنی امریکہ اور اسرائیل کے خلاف مزاحمت کے راستے پر قائم ہے لیکن کیا کچھ اسلامی حکومتوں کا رویہ اس بات کے خلاف نہیں ہے جو نبی ﷺ نے فرمایا کہ ’’جو شخص مسلمان سے مدد کی پکار سنتا ہے اور جواب نہ دے، وہ مسلمان نہیں۔‘‘ ایسا اسلام کیسا ہے؟
یہ بھی پڑھیں: شہری کالعدم تنظیموں کو قربانی کی کھالیں نہ دیں: محکمہ داخلہ پنجاب
دشمن کی شناخت
علی لاریجانی کا کہنا تھا کہ بعض ممالک نے اس سے بھی آگے بڑھ کر کہا کہ ایران اب ان کا دشمن ہے کیونکہ اس نے ان کی سرزمین پر موجود امریکی اڈوں اور امریکہ و اسرائیل کے مفادات کو نشانہ بنایا۔ کیا ایران سے یہ توقع کی جاتی ہے کہ وہ بے بس بیٹھا رہے جبکہ آپ کے ممالک میں موجود امریکی اڈوں کو استعمال کر کے اس پر حملے کیے جائیں؟ یہ محض بے بنیاد بہانے ہیں۔ آپ امریکہ اور اسرائیل کے ساتھ ہیں یا ایران اور مزاحمت کاروں کے ساتھ؟
اسلامی دنیا کا مستقبل
انہوں نے کہا کہ اسلامی دنیا کے مستقبل کے بارے میں غور کریں۔ آپ جانتے ہیں کہ امریکہ آپ کے ساتھ وفادار نہیں اور اسرائیل آپ کا دشمن ہے۔ ایک لمحے کے لیے رکیں اور اپنے بارے میں اور خطے کے مستقبل کے بارے میں سوچیں، ایران آپ کا خیرخواہ ہے اور آپ پر غلبے کا ارادہ نہیں رکھتا۔ اگر امت مسلمہ ایک مضبوط اتحاد قائم کر لے تو یہ تمام ممالک کے لیے سلامتی، ترقی اور آزادی کو یقینی بنا سکتا ہے۔
