لاہور: ایف آئی اے کا انسانی سمگلرز کے خلاف کارروائی، ایک ملزم گرفتار
ایف آئی اے کا کریک ڈاؤن
لاہور(ڈیلی پاکستان آن لائن) وفاقی تحقیقاتی ادارہ (ایف آئی اے) نے انسانی سمگلرز کیخلاف کریک ڈاؤن کرتے ہوئے کاریگر ٹریڈ سنٹر فراڈ کیس میں ملوث ملزم کو گرفتار کرلیا۔
یہ بھی پڑھیں: وزیراعلیٰ کے پی سہیل آفریدی کے علاقے میں منشیات کے کارخانے ہیں اور پی ٹی آئی کے لوگ منشیات کے دھندے میں ملوث ہیں، اختیار ولی کا الزام
گرفتار ملزم کی شناخت
نجی ٹی وی چینل دنیا نیوز کے مطابق ترجمان ایف آئی اے کا کہنا ہے کہ گرفتار ملزم کی شناخت سید اشتیاق حسین کے نام سے ہوئی ہے، ملزم نے دیگر ساتھیوں کی ملی بھگت سے شہریوں کو بیرون ممالک ورک ویزوں کا جھانسہ دے کر لاکھوں روپے ہتھیائے۔
یہ بھی پڑھیں: امریکا نے جارحیت اور اشتعال انگیزی پر اترے بھارت کو ایک بار پھر لگام دے دی
تحقیقات کا آغاز
ایف آئی اے ترجمان کا کہنا ہے کہ ملزم کے خلاف انسداد انسانی سمگلنگ سرکل لاہور میں متعدد انکوائریوں پر کارروائی جاری ہے، تاہم ملزم کو گرفتار کر کے تفتیش کا آغاز کر دیا گیا ہے۔
دیگر ملزموں کی تلاش
علاوہ ازیں، فراڈ میں ملوث دیگر ساتھیوں کی گرفتاری کے لیے بھی چھاپہ مار کارروائیاں جاری ہیں۔
