ایران کے ورلڈ کپ میچز میکسیکو منتقل کرنے کی کوشش، فیفا سے مذاکرات جاری

ایران کی فٹبال فیڈریشن کا اہم فیصلہ

تہران (ڈیلی پاکستان آن لائن) ایران کی فٹبال فیڈریشن نے اعلان کیا ہے کہ وہ فیفا کے ساتھ مذاکرات کر رہی ہے تاکہ آئندہ ورلڈ کپ میں ایران کے تمام میچز میکسیکو منتقل کیے جا سکیں۔

یہ بھی پڑھیں: زرمبادلہ کے ملکی ذخائر میں سالانہ بنیادوں پر 3.203ارب ڈالر اضافہ ریکارڈ کیاگیا،اسٹیٹ بینک

سیکیورٹی خدشات کا جائزہ

روزنامہ جنگ کے مطابق ایرانی فٹبال حکام کا کہنا ہے کہ یہ فیصلہ سیکیورٹی خدشات کے پیش نظر زیر غور ہے، خاص طور پر اس وقت جب امریکی صدر ڈونلڈ ٹرمپ نے ایرانی ٹیم کی حفاظت کے حوالے سے تحفظات کا اظہار کیا ہے۔

یہ بھی پڑھیں: کراچی؛ کورنگی میں پولیس یونیفارم پہن کر وارداتیں کرنے والے 4 ڈاکو زخمی حالت میں گرفتار

امریکا میں میچز سے گریز

ٹرمپ کے بیان کے بعد ایران نے امریکا میں میچز کھیلنے سے گریز کا عندیہ دیا ہے، جس کے باعث متبادل وینیو کے طور پر میکسیکو کو ترجیح دی جا رہی ہے۔

یہ بھی پڑھیں: ڈونلڈ ٹرمپ کی جماعت سے تعلق رکھنے والی ملعونہ خاتون سیاست دان نے قرآن پاک کی بے حرمتی کر دی

محفوظ مقام کا انتخاب

ذرائع کے مطابق ایران چاہتا ہے کہ اس کے تمام میچز ایک محفوظ مقام پر منعقد ہوں تاکہ کھلاڑیوں اور آفیشلز کی سیکیورٹی کو یقینی بنایا جا سکے۔

یہ بھی پڑھیں: اگر آپ اپنا ایئر بیس نہیں بچا سکتے تو عوام کو کیسے بچائیں گے؟ ہندوستانی چینل کی اپنی حکومت سے سوال

فیفا کا جواب

خیال رہے کہ فیفا نے فی الحال ایران کی درخواست کا کوئی جواب نہیں دیا، ایران نے سیکیورٹی خدشات کی وجہ سے امریکا میں کھیلنے سے انکار کیا تھا۔

یہ بھی پڑھیں: خامنہ ای کے قتل کے بعد ملک کا نظم و نسق چلانے کیلئے عبوری قیادت کونسل قائم کر دی گئی

ورلڈ کپ میں شرکت کا خطرہ

دوسری جانب ایرانی اسپورٹس حکام کا کہنا ہے کہ حالیہ کشیدگی کے باعث ٹیم کی ورلڈ کپ میں شرکت بھی خطرے میں پڑ سکتی ہے۔

یہ بھی پڑھیں: وزیراعظم آزاد کشمیر کے خلاف آج تحریک عدم اعتماد جمع کرائے جانے کا امکان

ایران کا اعزاز

واضح رہے کہ ایران نے فیفا ورلڈ کپ 2026 کے لیے کوالیفائی کرنے والی پہلی ایشیائی ٹیم ہونے کا اعزاز حاصل کیا تھا۔ ٹورنامنٹ 11 جون سے امریکا، کینیڈا اور میکسیکو میں مشترکہ طور پر کھیلا جائے گا۔

ایران کے گروپ میچز کی تفصیلات

ایران گروپ جی میں اپنے تین میچز امریکا میں کھیلے گا جس کا پہلا میچ نیوزی لینڈ سے 15 جون کو، دوسرا 21 جون کو بیلجیم اور 26 جون کو مصر سے اپنا تیسرا اور آخری گروپ میچ کھیلے گا۔