کوئی صوبائی حکومت کارکردگی میں پنجاب سے مقابلہ یا موازنہ نہیں کرسکتی: عظمیٰ بخاری

وزیر اطلاعات و ثقافت پنجاب کی گفتگو

لاہور (ڈیلی پاکستان آن لائن) وزیر اطلاعات و ثقافت پنجاب عظمیٰ بخاری نے کہا ہے کہ وزیر اعلیٰ پنجاب مریم نواز ایک شفیق ماں کی طرح صوبے کے عوام کی خدمت کر رہی ہیں اور ان کی فلاح و بہبود کے لیے عملی اقدامات کر رہی ہیں۔

یہ بھی پڑھیں: پنجاب کا ہر بچہ، ہر ماں، ہر خاندان ہماری ترجیح اور تحفظ ہمارا مشن ہے: وزیر اعلیٰ مریم نواز

حکومتی نظام میں تبدیلی

پنجاب میں اب حکومتی نظام بدل چکا ہے اور حکومت خود چل کر عوام کے گھروں تک پہنچ رہی ہے۔ رمضان المبارک کے دوران اربوں روپے کی امداد لاکھوں شہریوں کی دہلیز تک پہنچائی جا چکی ہے، جس سے مستحق افراد کو براہِ راست فائدہ ہوا ہے۔

یہ بھی پڑھیں: خلیجی ممالک میں آج 30 واں روزہ مکمل، کل بروز جمعہ 20 مارچ کو عید الفطر منائی جائے گی۔

عملی اقدامات اور مثبت نتائج

وزیر اطلاعات نے مزید کہا کہ مریم نواز صرف وعدے نہیں کرتیں بلکہ عملی اقدامات کرتی ہیں، اور ان اقدامات کے مثبت نتائج بھی سامنے آ رہے ہیں۔ پنجاب میں جھوٹے وعدوں اور سیاسی شعبدہ بازی کا دور ختم ہو چکا ہے۔ ماضی میں حکومتیں منصوبے مکمل کرنے میں سالہا سال لگا دیتی تھیں، تاہم اب پنجاب میں ہر ماہ ترقیاتی منصوبے مکمل ہو رہے ہیں، جو ایک بڑی تبدیلی کی نشاندہی کرتا ہے۔

یہ بھی پڑھیں: ہم بھارت جائیں اور وہ نہ آئیں، یہ نہیں ہوسکتا ، محسن نقوی کا بیان

نئے ریکارڈ قائم کرنا

انہوں نے مزید کہا کہ گزشتہ 2 سال کے دوران مریم نواز نے 100 سے زائد منصوبے شروع کر کے ایک نیا ریکارڈ قائم کیا ہے، اور آج کارکردگی کے میدان میں کوئی بھی صوبائی حکومت پنجاب کا مقابلہ نہیں کر سکتی۔

جھوٹے پروپیگنڈے کا شکست

آخر میں انہوں نے کہا کہ مریم نواز کے خلاف جھوٹا پروپیگنڈا کرنے والے عناصر کو ہمیشہ کی طرح ناکامی کا سامنا کرنا پڑ رہا ہے۔