پنجاب حکومت نے وی آئی پیز کے لیے نئی گاڑیاں خریدنے کی منظوری دے دی

پنجاب حکومت کی نئی گاڑیوں کی خریداری کی منظوری

لاہور(ڈیلی پاکستان آن لائن) پنجاب حکومت نے وی آئی پیز کے لیے نئی گاڑیوں کی خریداری کی منظوری دے دی۔ دنیا ٹی وی کےمطابق دستاویز کے تحت 52 کروڑ 35 لاکھ روپے مالیت سے نئی گاڑیاں خریدی جائیں گی، پنجاب حکومت نے 20 ٹویوٹا فارچیونر اور 12 ہائی لکس گاڑیاں خریدنے کی منظوری دے دی۔

یہ بھی پڑھیں: پنجاب حکومت نے ملازمین کی ٹیکس کٹوتی سے متعلق نئی ترمیم متعارف کرادی

خریداری کی تفصیلات

37 کروڑ 27 لاکھ روپے مالیت کی 20 ٹیوٹا فارچیونرز سگما 4×4 خریدیں جائیں گی، وی وی آئی پیز کی سکیورٹی اور پروٹوکول کے لئے 12 4×4 ہائی لکس ڈالے خریدے جائیں گے۔ ہائی لکس ڈالوں کے لیے 11 کروڑ 26 لاکھ روپے کی منظوری دی گئی، گاڑیوں میں سکیورٹی کے خصوصی انتظامات کے لئے بجٹ منظور کیا گیا ہے۔

یہ بھی پڑھیں: عمران خان کا چیف جسٹس، قائم مقام چیف جسٹس اسلام آباد ہائیکورٹ کے نام خط

سیکیورٹی اور جدید ٹیکنالوجی

دستاویز کے مطابق گاڑیوں میں نائٹ وژن، تھرمل کیمرے اور جدید سکیورٹی آلات بھی منصوبے میں شامل ہیں۔

محکمہ خزانہ کی اعتراضات

محکمہ خزانہ نے فارچیونر گاڑیوں کو لگژری قرار دے کر اعتراض بھی اٹھایا تھا، موٹر ٹرانسپورٹ ونگ کے ذریعے گاڑیوں کی خریداری اور استعمال ہوگا۔