اڈیالہ جیل میں بشریٰ بی بی کی موجودگی میں میڈیکل بورڈ نے بانی پی ٹی آئی کی متاثرہ آنکھ کا معائنہ کیا

عمران خان کی آنکھ کا چیک اپ

راولپنڈی (ڈیلی پاکستان آن لائن) اڈیالہ جیل میں بشریٰ بی بی کی موجودگی میں بانی پی ٹی آئی عمران خان کی متاثرہ آنکھ کا چیک اپ کیا گیا۔

یہ بھی پڑھیں: امریکی دباؤ اور سخت تجارتی شرائط کے بعد بلاآخر بھارت نے روس سے تیل کی خریداری 50 فیصد کم کر دی

میڈیکل بورڈ کا معائنہ

چیف کمشنر اسلام آباد کی جانب سے تشکیل دیئے گئے 5 رکنی ڈاکٹرز کے میڈیکل بورڈ نے اڈیالہ جیل میں بانی پی ٹی آئی کی متاثرہ آنکھ کا فالو اپ معائنہ کیا۔

یہ بھی پڑھیں: شاہدرہ ٹاؤن میں کمسن ڈرائیور کی غفلت سے اندوہناک حادثہ، ایک شخص جاں بحق، متعدد زخمی

بشریٰ بی بی کی موجودگی

’’جیو نیوز‘‘ نے جیل ذرائع کے حوالے سے بتایا کہ بانی پی ٹی آئی کے طبی معائنے کے دوران ان کی اہلیہ بشریٰ بی بی بھی موجود تھیں، 2 گھنٹے طویل چیک اپ کے بعد ڈاکٹرز کی ٹیم واپس روانہ ہوگئی۔

یہ بھی پڑھیں: کشمیر پاکستان کی شہ رگ ہے اور آج یہ شہ رگ ہندوستان کے قبضے میں ہے، برطانوی رکن پارلیمنٹ لارڈ نذیر احمد

طبی معائنہ کی تفصیلات

اڈیالہ جیل حکام کے مطابق 5 ڈاکٹرز پر مشتمل ٹیم نے بانی پی ٹی آئی کی آنکھوں کا مکمل طبی معائنہ کیا، ڈاکٹرز کے ساتھ طبی عملہ بھی موجود تھا اور جدید آلات سے لیس ایک سرکاری ایمبولینس بھی اڈیالہ جیل پہنچی تھی۔

یہ بھی پڑھیں: دل پاکستان کے ساتھ دھڑکتے ہیں: مقبوضہ کشمیر کے مسلمان اور ہندو بھی پاکستان کی محبت سے سرشار۔۔۔ویڈیو دیکھیں

میڈیکل ٹیم کے ماہرین

میڈیکل ٹیم میں ماہرین امراض چشم پروفیسر ندیم قریشی، ڈاکٹر عارف خان، پروفیسر الطاف حسین، پروفیسر اختر علی بندیشہ اور ڈاکٹر علی عارف شامل تھے۔

یہ بھی پڑھیں: عمران خان کے بچوں قاسم اور سلیمان کی امریکی سفارتکار رچرڈ گرنیل سے ملاقات

فالو اپ چیک

ماہر ڈاکٹرز نے بانی پی ٹی آئی کی متاثرہ آنکھ کا فالو اپ چیک کیا۔ اسے قبل 2 مرتبہ پمز اسپتال میں بانی پی ٹی آئی کی آنکھ کا ٹریٹمنٹ ہوا ہے، ماہرین کے مطابق اب ان کو تیسرا انجیکشن بھی لگنا ہے، لہذا تیسرا انجیکشن لگانے سے قبل ڈاکٹرز ان کی آنکھ میں پیش رفت کا جائزہ لینا چاہتے تھے۔

یہ بھی پڑھیں: پاک افغان تجارتی بندش پاکستان کے لیے فائدہ مند، افغانستان کو بھاری نقصان ہونے لگا

عدالتی حکم

میڈیکل ٹیم چیف کمشنر اسلام آباد کی جانب سے عدالتی حکم پر تشکیل دی گئی ہے، اسلام آباد ہائی کورٹ نے پی ٹی آئی کی درخواست پر حال ہی میں کمشنر اسلام آباد کو حکم دیا تھا کہ وہ میڈیکل بورڈ تشکیل دے کر بانی پی ٹی آئی کی متاثرہ آنکھ کی ٹریٹمنٹ کا بندوبست کرے۔

بہتری کا جائزہ

اب دیکھنا یہ ہے کہ بانی پی ٹی آئی کی متاثرہ آنکھ میں کس حد تک بہتری آئی ہے، میڈیکل بورڈ اس حوالے سے اپنی رپورٹ چیف کمشنر اسلام آباد کو پیش کرے گا。