ایران کی جنگ ماضی کی جنگوں سے مختلف ہے، امریکی وزیر جنگ پیٹ ہیگسیتھ کی میڈیا کو بریفنگ

واشنگٹن (مانیٹرنگ ڈیسک) امریکہ کے وزیر جنگ پیٹ ہیگسیتھ نے کہا ہے کہ ایران کی جنگ ماضی کی جنگوں سے مختلف ہے۔ ایران جنگ میں ہلاک امریکی فوجیوں کو ہمیشہ یاد رکھا جائے گا۔

آپریشن کا مقصد

’’جنگ‘‘ کے مطابق، امریکی وزیر جنگ پیٹ ہیگسیتھ کا کہنا تھا کہ آپریشن کا مقصد فیصلہ کن کارروائی کرنا ہے۔ ایران کی بیلسٹک میزائل بنانے کی صلاحیت کو ممکنہ طور پر بہت زیادہ نقصان پہنچا ہے۔

میڈیا بریفنگ

ایران جنگ پر امریکی وزیر جنگ پیٹ ہیگسیتھ اور امریکی جوائنٹ چیفس آف سٹاف نے میڈیا کو بریفنگ دی۔ بریفنگ میں بتایا گیا کہ انہوں نے ایرانی پاسداران انقلاب کے اعلیٰ عہدیداروں کو ختم کر دیا ہے۔

بمباری کے نتائج

ایران میں 7 ہزار فوجی اہداف کو نشانہ بنایا گیا ہے، ایران کی 11 آبدوزوں کو تباہ کر دیا گیا ہے۔ ایران کے ریڈار اور دفاعی سسٹم کو تباہ کردیا ہے۔ ایرانی نیوی کے 120 جہازوں کو بھی تباہ کر چکے ہیں۔