کوٹ لکھپت جیل میں پی ٹی آئی رہنماؤں کی نماز عید کے لیے اجازت کی درخواست

لاہور کی خبر

لاہور (ڈیلی پاکستان آن لائن) کوٹ لکھپت جیل میں قید پاکستان تحریک انصاف کے سینئر رہنماؤں نے عیدالفطر کے موقع پر نماز عید کی ادائیگی کے لیے جیل انتظامیہ سے باضابطہ اجازت طلب کر لی ہے۔

یہ بھی پڑھیں: جاپان میں ایک مچھلی تقریباً 90 کروڑ روپے میں نیلام

درخواست دینے والے رہنما

درخواست دینے والے رہنماؤں میں شاہ محمود قریشی، عمر سرفراز چیمہ، اعجاز چودھری اور میاں محمود الرشید شامل ہیں، جبکہ ان کی جانب سے یہ درخواست وکیل رانا مدثر عمر کے ذریعے جیل سپریٹنڈنٹ کو جمع کرائی گئی۔

یہ بھی پڑھیں: فرانسیسی صدر کو اہلیہ سے ’تھپڑ‘ پڑنے پر صدر ٹرمپ کا موقف بھی آگیا

مذہبی حیثیت

درخواست میں مؤقف اختیار کیا گیا ہے کہ عیدالفطر مسلمانوں کا ایک اہم مذہبی تہوار ہے اور نماز عید کی ادائیگی ہر مسلمان کا بنیادی مذہبی فریضہ ہے۔ مذہبی عبادات کی ادائیگی بنیادی انسانی حقوق میں شامل ہے، جسے ہر حال میں یقینی بنایا جانا چاہیے۔

گذشتہ قید کا ذکر

درخواست میں یہ بھی نشاندہی کی گئی ہے کہ مذکورہ رہنما گزشتہ اڑھائی سال سے کوٹ لکھپت جیل میں قید ہیں اور انہیں گزشتہ دو برس سے عید کی نماز ادا کرنے کی اجازت نہیں دی گئی۔ استدعا کی جاتی ہے کہ عیدالفطر کے موقع پر نماز عید کی ادائیگی کے لیے اجازت دی جائے اور اس ضمن میں تمام ضروری انتظامات کو یقینی بنایا جائے۔