شمالی کوریا میں پارلیمانی انتخابات، کم جونگ ان نے بھاری کامیابی حاصل کر لی

پیانگ یانگ میں کامیابی

شمالی کوریا کے رہنما کم جونگ ان نے 2026ء کے پارلیمانی انتخابات میں بھاری کامیابی حاصل کر لی۔

یہ بھی پڑھیں: لاہور، تیار ہو جائیں! پاک ویلز کار میلہ آپ کے شہر آ رہا ہے!

انتخابات کے نتائج

سرکاری میڈیا کے مطابق حکمراں جماعت نے تقریباً تمام نشستیں جیت لیں۔ الیکشن کمیشن کے مطابق ورکرز پارٹی آف کوریا اور اس کے اتحادیوں نے 99.93 فیصد ووٹ حاصل کیے، جس کے نتیجے میں 15 ویں سپریم پیپلز اسمبلی کے تمام 687 ارکان منتخب ہو گئے۔

یہ بھی پڑھیں: جناح پوسٹ گریجویٹ میڈیکل سینٹر میں جامع اسٹروک یونٹ کے قیام کے لیے پیشنٹس ایڈ فاؤنڈیشن کا دوسرا گالف ٹورنامنٹ

ووٹنگ کی شرح

’’جنگ ‘‘ کے مطابق انتخابات میں ووٹر ٹرن آؤٹ 99.99 فیصد بتایا گیا ہے، جو کہ غیر معمولی حد تک زیادہ ہے۔ سرکاری اعداد و شمار کے مطابق صرف 0.0037 فیصد ووٹرز ووٹ نہیں ڈال سکے، جس کی وجہ ان کا بیرونِ ملک یا سمندر میں ہونا بتائی گئی، جبکہ صرف 0.00003 فیصد افراد نے ووٹ دینے سے انکار کیا۔

نو منتخب اسمبلی کا اجلاس

نو منتخب اسمبلی کا اجلاس 22 مارچ کو طلب کیا گیا ہے، جس میں سوشلسٹ آئین میں ترمیم پر غور کیا جائے گا۔ توقع ہے کہ اس اجلاس میں جنوبی کوریا کے خلاف سخت مؤقف کو آئینی شکل دی جائے گی اور کم جونگ ان کو دوبارہ سٹیٹ افیئرز کمیشن کا سربراہ منتخب کیا جائے گا، جس سے ان کی طاقت مزید مضبوط ہو جائے گی۔