ایران کی جانب سے فائرنگ کا نشانہ بننے والے F-35 لڑاکا طیارے کی امریکی فضائی اڈے پر ہنگامی لینڈنگ

ایف 35 طیارے کی ایمرجنسی لینڈنگ

نیویارک (ڈیلی پاکستان آن لائن) امریکی نشریاتی ادارے سی این این نے دعویٰ کیا ہے کہ ایران کی جانب سے فائرنگ کا نشانہ بنائے جانے کے بعد ایک ایف 35 اسٹیلتھ طیارے نے مشرق وسطیٰ کے امریکی اڈے پر ہنگامی لینڈنگ کی ہے۔

یہ بھی پڑھیں: شہر بانو نقوی ایشیا سوسائٹی فیلو شپ کے لیے منتخب پہلی پاکستانی خاتون افسر

ایران کی طرف سے دعویٰ

سی این این کی رپورٹ کے مطابق، ذرائع نے بتایا ہے کہ ایک ایف 35 لڑاکا طیارے کو جسے بظاہر ایران کی فائرنگ کا نشانہ بنایا گیا، مشرق وسطیٰ میں امریکی فضائی اڈے پر ہنگامی لینڈنگ کرنا پڑی۔

یہ بھی پڑھیں: ثنا فیصل کا پہلی بار اپنی طلاق کے بارے میں انکشاف

سینٹرل کمانڈ کی تصدیق

امریکی سینٹرل کمانڈ (سینٹ کام) کے ترجمان کیپٹن ٹم ہاکنز نے بتایا کہ یہ پانچویں نسل کا اسٹیلتھ طیارہ ایران کے اوپر ایک جنگی مشن پر پرواز کر رہا تھا جب اسے ہنگامی لینڈنگ کرنا پڑی۔ ان کے مطابق طیارہ بحفاظت اتر گیا ہے اور واقعے کی تحقیقات جاری ہیں۔

یہ بھی پڑھیں: وزیراعظم محمد شہباز شریف کی متحدہ عرب امارات کے صدر شیخ محمد بن زاید النہیان سے ملاقات

پاسداران انقلاب کا بیان

دوسری جانب ایرانی پاسداران انقلاب کا کہنا ہے کہ انہوں نے طیارے کو رات 2:50 بجے نشانہ بنایا تھا، قوی امکان ہے کہ طیارہ تباہ ہوگیا۔

پاسداران انقلاب کا کہنا ہے کہ طیارہ نشانہ بنانے کا واقعہ ایئر ڈیفنس میں بہتری ظاہر کرتا ہے، ہم 150 ڈرونز پہلے ہی گرا چکے ہیں۔

پاسداران انقلاب نے امریکی طیارے کو نشانہ بنائے جانے کی مبینہ ویڈیو بھی جاری کی ہے۔

یہ بھی پڑھیں: سینیٹ کے بعد قومی اسمبلی میں 27 ویں آئینی ترامیم پر شق وار منظوری کا عمل جاری

ایرانی میڈیا کی رپورٹنگ

ایرانی میڈیا پر جاری ویڈیو میں ایرانی پاسداران انقلاب کی ایئرڈیفنس فورس کی جانب سے ایف 35 لڑاکا طیارے کو نشانہ بنتے دکھایا گیا ہے۔

یہ بھی پڑھیں: ورلڈکپ کوالیفائر: ٹی ٹوئنٹی کرکٹ میں کم ترین سکور کا ریکارڈ قائم

پہلی بار نشانہ بنانے کی کوشش

سی این این کے مطابق، اگر اس کی تصدیق ہو جاتی ہے تو یہ پہلی بار ہوگا کہ ایران نے فروری کے آخر میں شروع ہونے والی جنگ کے دوران کسی امریکی طیارے کو نشانہ بنایا ہے۔ اس جنگ میں امریکا اور اسرائیل دونوں یہ طیارے استعمال کر رہے ہیں جن کی قیمت 100 ملین ڈالر سے زائد ہے۔

یہ بھی پڑھیں: قائداعظم یونیورسٹی پاکستان کی نمبرون یونیورسٹی قرار

دوسرے امریکی طیاروں کا نقصان

رپورٹ کے مطابق، اس جنگ کے دوران امریکا اپنے دیگر طیارے بھی کھو چکا ہے، تاہم اب تک کسی کو فائرنگ سے نشانہ بنائے جانے کی تصدیق نہیں ہوئی۔ تین امریکی ایف 15 لڑاکا طیارے غلطی سے کویت کے فضائی دفاعی نظام نے مار گرائے تھے، تاہم عملے کے تمام 6 ارکان بحفاظت باہر نکل آئے تھے۔

گری میں ہونے والے حادثات

گزشتہ ہفتے ایک KC35 اسٹریٹو ٹینکر ری فیولنگ طیارہ مغربی عراق میں گر کر تباہ ہوگیا تھا، جس کی وجہ ابھی واضح نہیں۔ امریکی فوج کے مطابق یہ حادثہ نہ تو دشمن کی فائرنگ اور نہ ہی اپنے ہی حملے (فرینڈلی فائر) کا نتیجہ تھا، اس میں سوار تمام 6 افراد ہلاک ہوگئے تھے.