وزیراعظم کا آذربائیجان کے صدر کو فون، عوام کو عیدالفطر کی مبارکباد دی

وزیراعظم شہباز شریف کی آذربائیجان کے صدر سے ٹیلیفونک گفتگو

اسلام آباد(ڈیلی پاکستان آن لائن) وزیراعظم شہباز شریف نے عیدالفطر کے پرمسرت موقع پر مبارکباد کے تبادلے کے لیے جمہوریہ آذر بائیجان کے صدر الہام علیوف سے ٹیلیفونک گفتگو کی۔

یہ بھی پڑھیں: لاہور میں 2 روز کے دوران ٹریفک قوانین کی خلاف ورزی پر سیکڑوں مقدمات درج، گرفتار 415 ملزمان کی ضمانتیں منظور

عید الفطر کی مبارکباد

نجی ٹی وی چینل دنیا نیوز کے مطابق اپنی گفتگو کے دوران وزیراعظم نے صدر علیوف اور آذربائیجان کے برادر عوام کو عید الفطر کی دلی مبارکباد پیش کی، آذربائیجان کے صدر نے پاکستانی عوام کے لیے ان جذبات کا گرمجوشی سے جواب دیا۔ دونوں رہنماؤں نے امت کی صفوں میں اتحاد کی دعا بھی کی۔

یہ بھی پڑھیں: ایران میں مظاہرین کے خلاف کریک ڈاؤن، 3 ہزار 428 افراد ہلاک، ایران ہیومن رائٹس

ایران اور خلیج کی کشیدگی پر تبادلہ خیال

اس موقع پر دونوں رہنماؤں نے ایران اور خلیج میں جاری کشیدگی پر بھی تبادلہ خیال کیا۔ وزیراعظم نے آذربائیجان کے خلاف حملوں کی شدید مذمت کا اعادہ کیا اور مشکل کی اس گھڑی میں آذربائیجان کے برادر عوام کے ساتھ مکمل یکجہتی اور حمایت کا اظہار کیا۔

یہ بھی پڑھیں: مفتی منیب الرحمٰن ڈینگی میں مبتلا، ہسپتال میں داخل ہو گئے

کشیدگی کم کرنے کی ضرورت

دونوں رہنماؤں نے فوری طور پر کشیدگی کم کرنے پر زور دیا اور تمام تصفیہ طلب مسائل کے حل کے لیے بات چیت اور سفارت کاری پر زور دیا۔

پاکستان آذربائیجان تعلقات

پاکستان آذربائیجان تعلقات کی مثبت پیش رفت پر اطمینان کا اظہار کرتے ہوئے، دونوں رہنماؤں نے پاکستان اور آذربائیجان کے درمیان برادرانہ تعلقات کو مزید مستحکم کرنے کے لیے باہمی عزم کا اعادہ کیا۔