شمالی کوریا کے رہنما کم جونگ اُن کی 13 سالہ بیٹی کی فوجی مشق کے دوران ٹینک چلانے کی ویڈیو وائرل

کم جونگ اُن کی بیٹی کی فوجی مشق میں شرکت

پیانگ یانگ (ڈیلی پاکستان آن لائن) شمالی کوریا کے رہنما کم جونگ اُن کی بیٹی کم جو اے ایک فوجی مشق کے دوران ٹینک چلاتی نظر آئیں۔

یہ بھی پڑھیں: بھارتی لڑکی نے نوکری کا جھانسہ دے کر3پاکستانیوں کو تھائی لینڈ میں اغوا کروا دیا

کم جو اے کی عوامی اور فوجی تقریبات میں موجودگی

رپورٹس کے مطابق تقریباً 13 سالہ کم جو اے حالیہ مہینوں میں اپنے والد کے ساتھ مختلف عوامی اور فوجی تقریبات میں باقاعدگی سے نظر آ رہی ہیں۔

یہ بھی پڑھیں: لاہور آلودہ ترین شہروں میں سرفہرست، اے کیو آئی 292 تک جا پہنچا

فوجی مشق کے دوران منظر عام

سرکاری خبر رساں ادارے کوریئن سینٹرل نیوز ایجنسی کی جانب سے جاری تصاویر میں انہیں ٹینک کے ڈرائیور ہیچ سے باہر دیکھتے ہوئے سامنے کی نشست پر بیٹھا دکھایا گیا۔ یہ منظر ایک بڑی فوجی مشق کے دوران سامنے آیا، جہاں کم جونگ اُن بھی موجود تھے۔ تصاویر میں انہیں ٹینک کے برج کے ساتھ کھڑے جبکہ تین فوجی افسران کو ٹینک پر سوار دیکھا جاسکتا ہے۔

نئے طرز کے ٹینک کی مشق کی نگرانی

رپورٹ کے مطابق کم جونگ اُن ایک نئے طرز کے ٹینک کی مشق کی نگرانی کر رہے تھے جو ڈرونز اور اینٹی ٹینک میزائلوں کے خلاف بہتر جارحانہ اور دفاعی صلاحیتوں کا حامل ہے۔

NEW: Kim Jong Un sits atop a battle tank during war drills, joined by his daughter. pic.twitter.com/shA38jGUTe

— Insider Paper (@TheInsiderPaper) March 20, 2026