ایران نے نئے میزائل حملے شروع کردیئے، ویڈیو بھی سامنے آ گئی

ایران کی جانب سے اسرائیل پر میزائل حملے

تہران (مانیٹرنگ ڈیسک) ایران نے اسرائیل پر نئے میزائل حملے شروع کر دیئے ہیں، جن کی ویڈیو بھی سامنے آئی ہے۔

یہ بھی پڑھیں: قوم پاک فوج کے ہر افسر، ہر جوان، ہر شہید اور ہر غازی کو سلام پیش کرتی ہے: وزیر اعلیٰ مریم نواز

حملے کی تفصیلات

تفصیلات کے مطابق "آپریشن وعدۂ صادق" میں وسطی اسرائیل کے 10 مقامات کو میزائلوں کا نشانہ بنایا گیا ہے۔ اسرائیلی حکام کا کہنا ہے کہ ایران نے کلسٹر وار ہیڈ والے میزائلوں کا استعمال کیا۔ جنوبی اسرائیل کے شہر ڈیمونا میں ایرانی بیلسٹک میزائل کے حملے کے نتیجے میں تقریباً 20 افراد زخمی ہو گئے ہیں۔

یہ بھی پڑھیں: ایتھنز میں ’’معرکۂ حق اور استحکامِ پاکستان‘‘ کے عنوان سے عظیم الشان سیمینار، اہم شخصیات کی شرکت، مسلح افواج سے والہانہ محبت کا اظہار

حملے کا ویڈیو ثبوت

Footage shows the moment an Iranian ballistic missile struck the southern city of Dimona this evening. pic.twitter.com/fCYwtgAj5x

— Emanuel (Mannie) Fabian (@manniefabian) March 21, 2026

یہ بھی پڑھیں: پنجاب حکومت کا محنت کشوں کے لیے بڑا اقدام، میرج اور ڈیتھ گرانٹ میں لاکھ روپے اضافہ

جانی و مالی نقصان

’’جنگ‘‘ کے مطابق اسرائیلی ریسکیو ادارے میگن ڈیوڈ ایڈم (ایم ڈی اے) کے مطابق میزائل ایک عمارت پر براہِ راست آ کر گرا، جس کے نتیجے میں جانی و مالی نقصان ہوا۔ ڈیمونا میں ایرانی بیلسٹک میزائل حملے کی ویڈیو بھی منظرِ عام پر آ گئی ہے، جس میں میزائل کو شہر پر گرتے ہوئے واضح طور پر دیکھا جا سکتا ہے۔

یہ بھی پڑھیں: بالیوڈ اداکار کی لاش برآمد، خاندان نے قتل کا شبہ ظاہر کر دیا

ریسکیو کارروائیاں

ابتدائی اطلاعات کے مطابق میزائل کے ٹکرانے سے ایک عمارت منہدم ہو گئی، اور ریسکیو ٹیمیں فوری طور پر جائے وقوعہ پر پہنچ گئیں اور امدادی کارروائیاں شروع کر دیں۔

حملے کے بعد کی صورتحال

عینی شاہدین کے مطابق حملے کے بعد زور دار دھماکہ ہوا اور ملبہ اطراف میں پھیل گیا، جس سے مزید نقصان کا خدشہ ظاہر کیا جا رہا ہے۔ دوسری جانب اسی دوران شہر اور قریبی علاقوں میں ایک بار پھر خطرے کے سائرن بج اٹھے اور لوگ خوفزدہ ہوکر شیلٹز میں بھاگتے ہوئے نظر آئے۔