پانی عظیم نعمت اور زندگی کی علامت ہے، ضیاع کو روکنا قومی ذمہ داری ہے: وزیر اعلیٰ مریم نواز

مریم نواز کا بین الاقوامی پانی کے دن پر پیغام

لاہور (ڈیلی پاکستان آن لائن) وزیراعلیٰ پنجاب مریم نواز نے پانی کے عالمی دن کے موقع پر اپنے پیغام میں کہا ہے کہ پینے کا صاف پانی صحت مند زندگی کے لیے ضروری ہے۔ پانی اللہ تعالیٰ کی عظیم نعمت اور زندگی کی علامت ہے۔ پانی کے وسائل کے ضیاع کو روکنا ایک قومی ذمہ داری ہے۔ نبی کریم صلی اللہ علیہ وآلہ وسلم نے پانی کی ایک بوند بھی ضائع کرنے سے منع فرمایا ہے۔

یہ بھی پڑھیں: لاڑکانہ میں منشیات کے الزام میں لیڈی کانسٹیبل گرفتار

پینے کے صاف پانی کی فراہمی

وزیر اعلیٰ مریم نواز نے کہا ہے کہ پینے کا صاف پانی شہریوں کا بنیادی حق ہے اور پنجاب حکومت یہ حق انہیں لوٹا رہی ہے۔ پنجاب کے شہروں میں فلٹریشن پلانٹس اور دیہی آبادی کے لیے پینے کے صاف پانی کی بوتلیں فراہم کی جا رہی ہیں۔

بہتر پانی کے انتظام کے منصوبے

راولپنڈی اور دیگر شہروں میں رین واٹر ہارویسٹنگ پراجیکٹ شروع کیا گیا ہے۔ آبی ذخائر کے تحفظ کے لیے چھوٹے ڈیم بنا رہے ہیں۔ آبی وسائل کے بہتر استعمال کی مینجمنٹ ناگزیر ہے۔ زیر زمین پانی کی سطح کو بڑھانے کے حوالے سے بھی اقدامات اٹھانا وقت کا تقاضا ہے۔