نئے اور جدید ہتھیاروں کے ذریعے دشمن کے اندازوں کو الٹ دیں گے: ایرانی کمانڈر

ایرانی کمانڈر کی نئی جنگی حکمت عملی

تہران (مانیٹرنگ ڈیسک) ایرانی خاتم الانبیاء سینٹرل ہیڈ کوارٹر کے کمانڈر میجر جنرل سید علی عبداللہی نے کہا ہے کہ نئے اور جدید ہتھیاروں کے ذریعے دشمن کے اندازوں کو الٹ دیں گے۔

یہ بھی پڑھیں: کراچی میں شدید سردی، پارہ سنگل ڈیجٹ میں آگیا

جدید ہتھیاروں کا استعمال

سید علی عبداللہی نے ایک بیان میں کہا کہ ایرانی مسلح افواج نئے تیار کردہ جدید ہتھیاروں کے ذریعے دشمن کے اندازے کو پلٹ دیں گی۔ ایران کا فوجی نظریہ دفاعی سے جارحانہ ہو چکا ہے، اور حکمت عملی بھی اسی کے مطابق ڈھالی گئی ہے۔

یہ بھی پڑھیں: امریکا اور جنوبی کوریا کے درمیان 350 ارب ڈالر کا تجارتی معاہدہ طے پا گیا

نوجوان سائنسدانوں کی شراکت

’’جنگ‘‘ کے مطابق خاتم الانبیاء سینٹرل ہیڈکوارٹرز کے کمانڈر نے مزید کہا کہ نوجوان سائنسدانوں کے تیار کردہ جدید ترین ہتھیار پہلے ہی میدانِ جنگ میں استعمال ہو رہے ہیں، اور مزید حیران کن اقدامات بھی سامنے آئیں گے۔

قومی اتحاد کی اہمیت

ایرانی کمانڈر نے یہ بھی کہا کہ قومی اتحاد اور عوامی حمایت ایران کی طاقت اور مستقبل کی کامیابیوں کے بنیادی عوامل ہیں۔