ملکی سلامتی، خودمختاری اور تحفظ پر کسی قسم کا کوئی سمجھوتہ نہیں کیا جائے گا: عظمٰی بخاری

یومِ پاکستان کا پیغام

لاہور (ڈیلی پاکستان آن لائن) وزیر اطلاعات و ثقافت پنجاب عظمیٰ بخاری نے یومِ پاکستان کے موقع پر اپنے پیغام میں کہا ہے کہ یومِ پاکستان کا دن ”عہدِ تحفظِ پاکستان“ کی تجدید کا دن ہے۔ یہ دن ہمیں اپنے آباؤ اجداد کے مضبوط ارادوں، بے مثال قربانیوں اور انتھک جدوجہد کی یاد دلاتا ہے۔

یہ بھی پڑھیں: 24 نومبر کو غلامی سے نجات کےلیے نکلنا ہے، علیمہ خان کا بیان

آزادی کی جدوجہد

یومِ پاکستان اس عظیم جدوجہد کی بنیاد ہے جس کے نتیجے میں مسلمانوں نے محض سات برس کی قلیل مدت میں ایک آزاد اور خودمختار وطن حاصل کیا۔ قائداعظم محمد علی جناح، علامہ محمد اقبال اور ان کے رفقاء کی بے لوث محنت اور لازوال قربانیوں کے باعث آج ہم ایک آزاد فضا میں سانس لے رہے ہیں۔

یہ بھی پڑھیں: دلہن کی ماں دولہے کے ساتھ بھاگ گئی، بیٹی کی شادی کیلئے رکھے زیور اور نقدی بھی لے گئی

پاکستان کا دفاع

عظمیٰ بخاری نے کہا کہ 1940 میں پیش کیا گیا پاکستان کا تصور آج ایک مضبوط، مستحکم اور ناقابلِ تسخیر ریاست کی شکل اختیار کر چکا ہے۔ پاکستان کا دفاع ناقابلِ تسخیر ہے اور ملک دشمن عناصر کو ہر محاذ پر منہ توڑ جواب دینے کی بھرپور صلاحیت رکھتا ہے۔

یہ بھی پڑھیں: بینکر فیصل نبی قتل کیس: سندھ ہائیکورٹ نے ملزمان کی عمر قید کی سزا کو کالعدم قرار دیا

میاں نواز شریف کا کردار

پاکستان کے دفاع کو مضبوط اور ناقابلِ تسخیر بنانے میں میاں نواز شریف کا کردار قابلِ تحسین ہے، جبکہ مسلح افواجِ پاکستان وطنِ عزیز کے ایک ایک انچ کے تحفظ کے لیے ہمہ وقت تیار ہیں۔

ملکی سلامتی کا عزم

وزیر اطلاعات نے اس عزم کا اعادہ کیا کہ ملکی سلامتی، خودمختاری اور تحفظ پر کسی قسم کا کوئی سمجھوتہ نہیں کیا جائے گا، اور پوری قوم مل کر پاکستان کے استحکام اور ترقی کے لیے اپنا کردار ادا کرتی رہے گی۔