ایران کو بھیجی گئی 15 نکاتی امریکی تجاویز میں کیا شامل تھا؟ امریکی خبر ایجنسی نے اہم تفصیلات شیئر کر دیں
امریکی تجاویز اور ایران
واشنگٹن (مانیٹرنگ ڈیسک) ایران کو بھیجی گئی امریکی تجاویز میں کیا شامل تھا؟ امریکی خبر ایجنسی نے اہم تفصیلات شیئر کر دیں۔
یہ بھی پڑھیں: روشن ڈیجیٹل اکاؤنٹس کے ذریعے ترسیلات زر کا حجم 11.923ارب ڈالر تک پہنچ گیا
ایران کے جوہری اور میزائل پروگرام
تفصیلات کے مطابق، امریکی خبر ایجنسی نے دعویٰ کیا ہے کہ مذاکرات کے لیے ایران کے جوہری پروگرام اور میزائل پروگرام کا خاتمہ بھی امریکی تجاویز میں شامل ہے۔ ایران کو امریکی تجاویز پہنچانے والے دو پاکستانی اور ایک مصری عہدیدار نے امریکی خبر ایجنسی سے گفتگو کی۔
یہ بھی پڑھیں: حکمرانوں کے عوام کو مفت بجلی فراہم کرنے کے دعوے کہاں گئے۔۔؟امیر جماعت اسلامی حافظ نعیم الرحمان نے ویڈیو کلپس شیئر کر دیئے
15 نکاتی تجاویز
خبر ایجنسی کے مطابق، پاکستانی عہدیدار نے بتایا کہ ایران کو امریکہ کی 15 نکاتی تجاویز پہنچائی گئی ہیں، جن میں ایران پر پابندیوں میں نرمی بھی شامل ہے۔ پاکستانی عہدیدار نے مزید بتایا کہ ایران کے جوہری اور میزائل پروگرام کا خاتمہ، اور آبنائے ہرمز کو کھولنا بھی ان تجاویز میں شامل ہے۔ انٹرنیشنل اٹامک انرجی ایجنسی (آئی اے ای اے) کی طرف سے ایران کی نگرانی بھی مجوزہ منصوبے میں شامل ہے، جبکہ ایران اور امریکہ کے درمیان سویلین جوہری تعاون بھی تجویز کیا گیا ہے۔
یہ بھی پڑھیں: اگر پنجاب کی بیٹی ڈٹ جائے تو پنجاب کی تقدیر بدل سکتی ہے: مریم نواز
پاکستان کی پوزیشن
’’جیو نیوز‘‘ کے مطابق ایک پاکستانی اعلیٰ عہدیدار نے امریکی خبر ایجنسی سے گفتگو میں کہا کہ سعودی عرب کی سلامتی اور دفاع کے لیے پاکستان کا عزم غیر متزلزل ہے۔ پاکستان مشرق وسطیٰ تنازع کے حل کے لیے تمام فریقوں سے رابطہ کر رہا ہے، اور سعودی عرب کی سلامتی اور دفاع کے لیے پاکستان کی وابستگی غیرمبہم اور پختہ ہے۔
یہ بھی پڑھیں: نشے میں دھت شخص نے ایک پاؤ آلو چوری ہونے پر پولیس بلالی
ایرانی اور امریکی عہدیداروں کی ملاقات
پاکستانی اور مصری عہدیدار نے بتایا کہ ایرانی اور امریکی عہدیداروں کی ملاقات جمعے کو پاکستان میں ہوسکتی ہے۔ مصری عہدیدار کے مطابق 15 نکاتی تجاویز جنگ بندی پر پہنچنے کا جامع معاہدہ ہے، جس میں مسلح گروپوں کی ایرانی حمایت پر پابندی بھی شامل ہے۔
مذاکرات کے امور
سربراہ آئی اے ای اے رافیل گروسی کے مطابق، امریکہ ایران مذاکرات نہ صرف نیوکلیئر ایشو بلکہ وسیع امور پر ہوں گے۔ میزائل، ایران سے جڑی ملیشیا، اور سیکیورٹی یقین دہانیاں مذاکرات کا حصہ ہوںگی۔
