انتظامیہ سوتی رہی، ذہنی مریض لاہور کے مینٹل ہسپتال بلڈ بینک کی ایمبولینس لیکر شاہدرہ ہسپتال پہنچ گیا

واقعے کی تفصیلات

لاہور (ڈیلی پاکستان آن لائن) انتظامیہ سوتی رہی، ذہنی مریض مینٹل ہسپتال کی ایمبولینس لیکر شاہدرہ ہسپتال پہنچ گیا۔ دنیا ٹی وی کے مطابق ذرائع کا کہنا ہے کہ صبح 5 بجے جب انتظامیہ کے اہلکار ہسپتال میں سو رہے تھے، مریض نے دفتر سے چابی پکڑی اور ایمبولینس لیکر شاہدرہ ہسپتال پہنچ گیا۔

یہ بھی پڑھیں: حویلی سے راولپنڈی آنے والی کوسٹر حادثے کا شکار، 2 افراد جاں بحق، 6 شدید زخمی

شاہدرہ ہسپتال میں واقعہ

ذہنی مریض نے شاہدرہ ہسپتال پہنچ کر کہا 'میرا خون لے لو'، ہسپتال عملہ دنگ رہ گیا۔ جب عملے نے پوچھا کہ آپ کیسے آئے، تو مریض نے جواب دیا کہ 'میں خود گاڑی چلا کر آیا ہوں'۔

یہ بھی پڑھیں: سعودی عرب کا 2025 کے لیے پاکستان سمیت بین الاقوامی طلبہ کو مکمل فنڈڈ اسکالرشپس دینے کا اعلان

انتظامیہ کی غفلت

ذرائع کے مطابق مریض 2022 سے مینٹل ہسپتال میں داخل ہے، مینٹل ہسپتال انتظامیہ کی غفلت نے شہریوں کی جان خطرے میں ڈال رکھی ہے۔

یہ بھی پڑھیں: چار بیویاں اور اعمال کی اہمیت: ایک سبق آموز داستان

تحقیقی کمیٹی کی تشکیل

واقعے کے بعد ہسپتال میں ہلچل مچ گئی، چار رکنی کمیٹی تشکیل دے دی گئی۔ انکوائری آرڈر میں 24 گھنٹوں میں رپورٹ پیش کرنے کا حکم دیا گیا ہے۔

میڈیکل سپرنٹنڈنٹ کا بیان

میڈیکل سپرنٹنڈنٹ مینٹل ہسپتال کا کہنا ہے کہ ہم نے چار رکنی انکوائری کمیٹی بنا دی ہے مگر سارا قصور بلڈ ٹرانسفیوژن اتھارٹی کا ہے، بلڈ ٹرانسفیوژن اتھارٹی کی ایمبولینس کو ہمارے گیٹ پر نہیں روکا جاتا۔