پاکستان کی مداخلت پر اسرائیل نے دو اہم ایرانی رہنماؤں کو ہدف کی فہرست سے ہٹا دیا، رائٹرز

پاکستان کی درخواست پر اسرائیل کا اقدام

واشنگٹن (ڈیلی پاکستان آن لائن) خبر رساں ادارے رائٹرز کے مطابق پاکستان کی درخواست پر اسرائیل نے ایران کے دو اہم عہدیداروں کو اپنی مبینہ ہدف فہرست سے عارضی طور پر ہٹا دیا۔

یہ بھی پڑھیں: علی ظفر سے کیس ہارنے والی میشا شفیع کا ردعمل بھی سامنے آگیا

اسرائیل کا نشانہ بننے والا اہم ہدف

ذرائع کے مطابق اسرائیل ایرانی وزیر خارجہ عباس عراقچی اور ایرانی پارلیمنٹ کے اسپیکر محمد باقر قالیباف کو نشانہ بنانے کا ارادہ رکھتا تھا، تاہم پاکستان نے واشنگٹن کو پیغام دیا کہ اگر ان دونوں شخصیات کو بھی ختم کر دیا گیا تو پھر مذاکرات کے لیے کوئی اہم رابطہ باقی نہیں رہے گا۔

یہ بھی پڑھیں: مائنز اینڈ منرلز ملک کی ترقی کا بل، سیاست کی نذر نہیں ہونا چاہئے: امیر مقام

امریکہ کی مداخلت

ذرائع نے بتایا کہ اسرائیل کے پاس دونوں رہنماؤں کی لوکیشن موجود تھی اور انہیں نشانہ بنانے کا منصوبہ تھا، لیکن پاکستان کے مؤقف کے بعد امریکہ نے اسرائیل سے پیچھے ہٹنے کو کہا۔

یہ بھی پڑھیں: 5 گیندوں پر 5 وکٹیں، نیوزی لینڈ کے فاسٹ بولر نے نئی تاریخ رقم کردی

فوج اور دفتر خارجہ کا خاموشی

رائٹرز کا کہنا ہے کہ پاکستان کی فوج اور دفتر خارجہ نے اس حوالے سے فوری طور پر کوئی ردعمل نہیں دیا۔

یہ بھی پڑھیں: خضدار واقعہ کی ذمہ دار فتنہ الہندوستان ہے، بھارت کی ریاستی دہشتگردی کی پالیسی 20 سال سے جاری ہے: ڈی جی آئی ایس پی آر

وال اسٹریٹ جنرل کی رپورٹ

دوسری جانب وال اسٹریٹ جنرل نے بھی رپورٹ کیا ہے کہ اسرائیل نے ممکنہ امن مذاکرات کے پیش نظر دونوں ایرانی رہنماؤں کو اپنی ہدف فہرست سے چند دنوں کے لیے عارضی طور پر ہٹا دیا ہے، تاہم اس رپورٹ میں پاکستان کے کردار کا ذکر نہیں کیا گیا۔

یہ بھی پڑھیں: کابینہ کمیٹی برائے امن و امان کا پنجاب سیف سٹیز اتھارٹی کا دورہ، آسیان کپیسٹی بلڈنگ کانفرنس میں شرکت

پاکستان کا ثالثی کردار

رپورٹس کے مطابق پاکستان، مصر اور ترکیہ ایران اور امریکہ کے درمیان جنگ ختم کرانے کے لیے ثالثی کا کردار ادا کر رہے ہیں۔ اسلام آباد اس دوران واشنگٹن اور تہران دونوں سے براہِ راست رابطے میں ہے، جبکہ ممکنہ امن مذاکرات کے لیے اسلام آباد کو ایک ممکنہ مقام بھی قرار دیا جا رہا ہے۔

یہ بھی پڑھیں: ہرینی امر سوریا سری لنکا کی دوبارہ وزیراعظم مقرر

امریکی صدر کا 15 نکاتی منصوبہ

ذرائع کے مطابق امریکی صدر نے جنگ ختم کرنے کے لیے 15 نکاتی منصوبہ پاکستان کے ذریعے ایران کو بھجوایا ہے۔ اسرائیلی کابینہ کے ذرائع کے مطابق اس منصوبے میں ایران کے زیادہ افزودہ یورینیم کے ذخائر ختم کرنے، یورینیم افزودگی روکنے، بیلسٹک میزائل پروگرام محدود کرنے اور خطے میں اتحادی گروپوں کی مالی مدد بند کرنے کی تجاویز شامل ہیں۔

ایران کی جانب سے مذاکرات کی صورتحال

ٹرمپ کا کہنا ہے کہ ایران معاہدہ کرنے کے لیے بے حد بے چین ہے، جبکہ عباس عراقچی نے کہا ہے کہ تہران امریکی تجویز کا جائزہ لے رہا ہے لیکن اس وقت جنگ ختم کرنے کے لیے مذاکرات کا کوئی ارادہ نہیں رکھتا۔