ملک بھر میں گرج چمک کے ساتھ مزید بارشوں اور پہاڑوں پر برفباری کا الرٹ جاری

نیشنل ڈیزاسٹر مینجمنٹ اتھارٹی کا الرٹ

اسلام آباد (ڈیلی پاکستان آن لائن) نیشنل ڈیزاسٹر مینجمنٹ اتھارٹی (این ڈی ایم اے) نے ملک بھر میں گرج چمک کے ساتھ مزید بارشوں اور برفباری کا الرٹ جاری کر دیا ہے۔

یہ بھی پڑھیں: چھ شہروں میں ریسکیو آپریشن کے لیے مزید سامان پہنچا دیا گیا، 119 سے زائد بوٹ آپریٹر بھی تعینات

مغربی ہواؤں کا سلسلہ

این ڈی ایم اے کے مطابق مغربی ہواؤں کا سلسلہ اگلے 12 سے 24 گھنٹوں کے دوران ملک کے بیشتر علاقوں میں تیز ہواؤں، آندھی اور جھکڑ کے ساتھ بارش برسائے گا، جبکہ گلگت بلتستان، آزاد کشمیر اور خیبر پختونخوا کے بالائی علاقوں میں برفباری بھی متوقع ہے۔

یہ بھی پڑھیں: دنیا بھر میں تنازعات نے امن کی اہمیت کو اُجاگر کیا، پاکستان نے کئی بار امن دشمن کارروائیوں کا سامنا کیا: وزیر اعظم کا بین الپارلیمانی سپیکرز کانفرنس سے خطاب

بارش کی پیشگوئی

پنجاب، بلوچستان اور خیبر پختونخوا کے مختلف علاقوں میں گرج چمک، آندھی، طوفان اور بعض مقامات پر ژالہ باری کا امکان ظاہر کیا گیا ہے۔ اسلام آباد سمیت پنجاب کے متعدد شہروں میں بھی تیز ہواؤں کے ساتھ بارش کی پیشگوئی کی گئی ہے۔

یہ بھی پڑھیں: مظفرآباد؛ بلگراں کلاؤڈ برسٹ میں جاں بحق افراد کی تعداد چار ہوگئی

متاثرہ علاقہ جات

خیبر پختونخوا کے اضلاع چترال، دیر، سوات، کالام، کوہاٹ، کرک، بنوں، ڈی آئی خان اور وزیرستان میں بھی بارش اور آندھی متوقع ہے جبکہ گلگت بلتستان اور آزاد کشمیر کے علاقوں اسکردو، ہنزہ، گلگت، استور، دیامر، غذر، مظفرآباد، باغ، راولاکوٹ، حویلی اور وادی نیلم میں بارش اور برفباری کا امکان ہے۔

یہ بھی پڑھیں: مولانا حامد الحق حقانی شہید اور فضل الرحمن پر حملہ کرنے والے گروپ کی نشاندہی

بلوچستان میں بارش کی پیشگوئی

بلوچستان کے شہروں کوئٹہ، ژوب، زیارت، قلات، قلعہ سیف اللہ، قلعہ عبداللہ، پشین، بارکھان، سبی، ڈیرہ بگٹی، خضدار، آواران، واشک، پنجگور، تربت، گوادر اور لسبیلہ میں بھی بارش کی پیشگوئی کی گئی ہے۔

احتیاطی تدابیر اور ہدایت

این ڈی ایم اے نے خبردار کیا ہے کہ تیز ہوائیں، آسمانی بجلی اور ژالہ باری کمزور تعمیرات، درختوں اور بجلی کی لائنوں کو نقصان پہنچا سکتی ہیں، جبکہ بارش کے باعث سڑکیں پھسلن کا شکار ہو سکتی ہیں اور ٹریفک کی روانی متاثر ہونے کا خدشہ ہے۔

پہاڑی علاقوں میں لینڈ سلائیڈنگ اور برفباری کے باعث راستے بند ہونے کا بھی خطرہ ظاہر کیا گیا ہے۔ ادارے نے شہریوں کو غیر ضروری سفر سے گریز کرنے، احتیاطی تدابیر اختیار کرنے اور موسم سے متعلق تازہ صورتحال کے لیے ’’پاک این ڈی ایم اے ڈیزاسٹر الرٹ‘‘ ایپ سے معلومات حاصل کرنے کی ہدایت کی ہے۔

تمام متعلقہ اداروں کو ممکنہ صورتحال سے نمٹنے کے لیے الرٹ رہنے کا حکم دیا گیا ہے۔