متحدہ عرب امارات میں مقیم مسیحی کمیونٹی نے دبئی میں یومِ پاکستان منایا

تقریب کا آغاز

دبئی (طاہر منیر طاہر) میں 23 مارچ یومِ پاکستان کے موقع پر ایک خوبصورت اور پروقار تقریب کا انعقاد کیا گیا۔ یہ تقریب پاکستان کرسچن الائنس اور پاکستان مسلم لیگ (ن) منارٹی ونگ کے عہدیداران و اراکین کے تعاون سے منعقد ہوئی، جس کی صدارت جان قادر نے کی۔

یہ بھی پڑھیں: بیوی کی بلیک میلنگ سے تنگ آدمی کی خود کشی، آخری پوسٹ میں ایلون مسک اور ٹرمپ کو ٹیگ کردیا، ایسی کہانی کہ ہر آنکھ اشکبار ہوجائے

دعا اور خیر مقدمی کلمات

تقریب کا آغاز ایوینجلسٹ ذیشان سلطان نے دعا پڑھ کر کیا۔ دعا میں پاکستان کی ترقی، سلامتی، امن، اور استحکام کے لیے خصوصی دعائیں کی گئیں، جبکہ دنیا بھر میں بسنے والے تمام انسانوں کے لیے بھی خیر و برکت اور امن کی دعا کی گئی۔ اس موقع پر حکمرانوں کے لیے بھی دعا کی گئی کہ اللہ انہیں صحت، حکمت، دانائی، اور فہم عطا فرمائے تاکہ وہ عوام کی بہتر انداز میں خدمت اور حفاظت کر سکیں۔

یہ بھی پڑھیں: شاہ محمود قریشی 2 برس سے عمران خان کے نظریے کے ساتھ وفاداری اور ثابت قدمی کے باعث بے گناہ قید کا سامنا کر رہے ہیں،اسد قیصر

مقررین کی آراء

تقریب میں مختلف مقررین نے اپنے خیالات کا اظہار کیا۔ سینئر نائب صدر شاہد پرویز نے اپنے خطاب میں امن، بھائی چارے، اور ہم آہنگی کی اہمیت پر زور دیا۔ نائب صدر ذیشان سلطان اور مشیر سیکرٹری عظیم یونس نے بھی اپنے خیالات کا اظہار کرتے ہوئے پاکستان اور یو اے ای کے درمیان دوستی کو مزید مضبوط بنانے کی ضرورت پر زور دیا۔

یہ بھی پڑھیں: ماڈل ٹاؤن لاہور میں روزانہ ”فین فٹ بال کلب“ کھیلنے جاتے میرا مقصد کھیلنا کم بچوں کی کمپنی زیادہ تھی، ایک دن سست کھیلاتو عمر بولا”یار ابو! دھیان کریں“

شرکت کرنے والی شخصیات

اس پروگرام میں روبن شریف، بشارت مسیح، اور دیگر معزز شخصیات نے شرکت کی۔ خواتین ونگ کی نمائندگی مسز مسرت جان، سمینا، ذیشان سلطان، برشنا عظیم، صائمہ، اور مسز روبن شریف نے کی۔ بچوں کی بڑی تعداد نے بھی شرکت کرکے پروگرام کو رونق بخشی۔

تقریب کا اختتام

تقریب نہایت خوشگوار ماحول میں کامیابی کے ساتھ اختتام پذیر ہوئی۔ آخر میں پروگرام کے اختتام پر 23 مارچ یومِ پاکستان کے حوالے سے کیک کاٹا گیا اور پاکستان اور یو اے ای کی دوستی کے استحکام کے لیے نعرے لگائے گئے۔