پنجاب حکومت نے گندم خریداری کے لیے تیاریاں مکمل کر لیں

پنجاب حکومت کی گندم خریداری کی تیاریاں مکمل

لاہور(ڈیلی پاکستان آن لائن) حکومت پنجاب نے نئی گندم کی خریداری کے لیے تیاریاں مکمل کر لیں، جس کے تحت اپریل کے پہلے ہفتے سے باقاعدہ مہم کا آغاز کیا جائے گا۔

یہ بھی پڑھیں: وہ جو ایران میں بیشتر فیصلے کرتے تھے اب مارے جاچکے ہیں” :امریکی صدر کا ایران پر حملوں کے بعد پہلا خطاب

گندم کی خریداری کا آغاز

نجی ٹی وی چینل دنیا نیوز کے مطابق حکام کا کہنا ہے کہ 11 کمپنیاں کسانوں سے مجموعی طور پر 30 لاکھ میٹرک ٹن گندم خریدیں گی، جبکہ خریداری کے ابتدائی مرحلے کا آغاز جنوبی پنجاب سے کیا جائے گا۔ خریدی گئی گندم کو بعد ازاں سرکاری گوداموں میں ذخیرہ کیا جائے گا۔

یہ بھی پڑھیں: شنگھائی تعاون تنظیم پر امن کے تحفظ اور ترقی کے فروغ کی زیادہ بڑی ذمہ داریاں عائد ہوتی ہیں، چینی صدر

پری کوالیفائیڈ کمپنیوں کا انتخاب

سرکاری سکیم کے تحت گندم خریداری کے لیے 11 فلار ملز اور کمپنیوں نے مقامی و بین الاقوامی ٹریڈرز کی ٹیکنیکل بڈ کوالیفائی کر لی ہے، جبکہ پری کوالیفائی ہونے والی کمپنیوں نے فنانشل بڈ بھی جمع کرا دی ہے، جسے آئندہ پانچ روز میں کھولا جائے گا۔

یہ بھی پڑھیں: جہیز کوئی ثقافت نہیں، جبر ہے، یہ جدوجہد ابھی ختم نہیں ہوئی، شرمیلا فاروقی

کسانوں کی مدد کے اقدامات

حکومت پنجاب نے ان پری کوالیفائی کمپنیوں کے لیے 25 لاکھ ٹن گندم خریداری مختص کی ہے، جبکہ فلور ملز اور ٹریڈرز کسانوں سے کھیتوں سے براہ راست 3500 روپے فی من کے حساب سے گندم خریدیں گے۔

مقصد اور فوائد

حکام کا کہنا ہے کہ اس اقدام سے کسانوں کو بروقت ادائیگی اور مارکیٹ میں استحکام لانے میں مدد ملے گی.