پاکستان میں سستی الیکٹرک گاڑیوں (EV) کے شوقین افراد کے لیے خوشخبری، CSMنے JMEV EV3 کی قیمتوں کا اعلان کر کے بجٹ ای وی سیگمنٹ میں ہلچل مچا دی

خوشخبری برائے الیکٹرک گاڑیوں کے شوقین

لاہور (ڈیلی پاکستان آن لائن) پاکستان میں سستی الیکٹرک گاڑیوں کے شوقین افراد کے لیے ایک بڑی خوشخبری سامنے آئی ہے کیونکہ کیپٹل سمارٹ موٹرز (CSM) نے باضابطہ طور پر JMEV EV3 کی قیمتوں کا اعلان کر کے بجٹ ای وی سیگمنٹ میں ہلچل مچا دی ہے۔

یہ بھی پڑھیں: ٹرمپ کا بڑا بل منظور، امریکہ میں مقیم لاکھوں بھارتیوں کو اربوں کے نقصان کا خدشہ

نئے ورژنز کی قیمتیں

پاک ویلز کے مطابق کمپنی کی جانب سے جاری کردہ تفصیلات کے مطابق اس گاڑی کے دو ورژنز متعارف کروائے گئے ہیں جن میں JMEV EV3 Comfort کی قیمت 4,899,999 روپے جبکہ JMEV EV3 Premium کی قیمت 4,999,999 روپے مقرر کی گئی ہے۔

یہ بھی پڑھیں: دکی میں کوئلے کی کانوں پر مسلح افراد کا حملہ، 20 مزدور جاں بحق، 6 زخمی

بکنگ اور ڈیلیوری کی تفصیلات

جدید فیچرز سے لیس ان گاڑیوں کی بکنگ محض 490,000 روپے سے کی جا سکے گی جس کا باقاعدہ آغاز اپریل سے ہو رہا ہے، جبکہ خوش نصیب خریداروں کو ان گاڑیوں کی ڈیلیوری جولائی سے ملنا شروع ہو جائے گی۔

درمیانے طبقے کے لئے بہترین متبادل

پاکستان میں پیٹرول کی بڑھتی ہوئی قیمتوں کے پیشِ نظر 50 لاکھ روپے سے کم کی رینج میں اس الیکٹرک گاڑی کی آمد کو متوسط طبقے اور ماحول دوست سواری کے متلاشی افراد کے لیے ایک بہترین متبادل قرار دیا جا رہا ہے۔