اداکار حمزہ علی عباسی کا اپنی بہن ڈاکٹر فضیلہ عباسی کے خلاف کیس سے لاتعلقی کا اعلان

حمزہ علی عباسی کا وضاحتی بیان

لاہور (ڈیلی پاکستان آن لائن) اداکار حمزہ علی عباسی نے حالیہ خبروں میں اپنی بہن ڈاکٹر فضیلہ عباسی سے متعلق الزامات کے ساتھ اپنا نام جوڑے جانے پر وضاحت جاری کرتے ہوئے کہا ہے کہ ان کا اس معاملے سے کوئی تعلق نہیں۔

یہ بھی پڑھیں: ترکیہ کی آئینی عدالت کے صدر قادر اوزقایا کی وفد کے ہمراہ وزیراعظم شہبازشریف سے ملاقات، باہمی دلچسپی اور شراکت داری کے مواقع پر تبادلہ خیال

سوشل میڈیا پر بیان

سوشل میڈیا پر جاری اپنے بیان میں حمزہ علی عباسی نے کہا کہ بعض خبروں سے یہ تاثر دیا جا رہا ہے کہ وہ اس کیس سے کسی نہ کسی طرح وابستہ ہیں، جو درست نہیں۔ ان کے مطابق وہ کسی بھی ادارے کی تحقیقات کا حصہ نہیں اور نہ ہی اس کیس میں کسی بھی حیثیت سے شامل ہیں۔

یہ بھی پڑھیں: مہنگا پیٹرول، وزیر اعلیٰ پنجاب مریم نواز نے گڈز ٹرانسپورٹ، بڑی گاڑیوں اور پبلک ٹرانسپورٹ کیلئے ماہانہ سبسڈی دینے کا اعلان کردیا۔

ڈاکٹر فضیلہ عباسی کی حمایت

انہوں نے کہا کہ ڈاکٹر فضیلہ عباسی ایک کامیاب اور باصلاحیت پروفیشنل ہیں اور وہ اس مشکل وقت میں اپنی بہن کے ساتھ کھڑے ہیں۔ حمزہ علی عباسی نے مزید کہا کہ انہیں اپنی بہن کی دیانت داری پر مکمل اعتماد ہے اور انہیں یقین ہے کہ سچ سامنے آئے گا اور انصاف ہوگا۔

یہ بھی پڑھیں: کراچی: ہوٹل میں شلوار قمیض پہن کر آنے پر پابندی کیخلاف شہری کی درخواست قابل سماعت قرار

عدالتی معاملہ

ان کا کہنا تھا کہ چونکہ یہ معاملہ عدالت میں زیرِ سماعت ہے، اس لیے وہ اس پر مزید تبصرہ نہیں کریں گے اور اس کیس سے متعلق تمام قانونی معاملات مکمل طور پر ان کی بہن سے متعلق ہیں۔

میڈیا سے درخواست

حمزہ علی عباسی نے اپنے بیان میں واضح کیا کہ ان کا اس کیس سے کسی بھی قسم کا کوئی تعلق نہیں اور وہ کسی تحقیقات کا سامنا بھی نہیں کر رہے۔ انہوں نے میڈیا سے درخواست کی کہ آئندہ ان کا نام اس معاملے سے نہ جوڑا جائے، بصورت دیگر وہ قانونی کارروائی کا حق محفوظ رکھتے ہیں۔