وزیراعظم آزاد جموں و کشمیر سے چیئرمین پاک میڈیا فورم سعودی عرب کی ملاقات

پاکستان میں اوورسیز کشمیریوں کے مسائل پر بات چیت

اسلام آباد (وقار نسیم وامق) وزیراعظم آزاد جموں و کشمیر، فیصل ممتاز راٹھور سے چیئرمین پاک میڈیا فورم سعودی عرب، الیاس رحیم کی پی ایم ہاؤس اسلام آباد میں ملاقات ہوئی، جس میں وزیراعظم کے احتشام جاوید کولی بھی ہمراہ تھے۔ ملاقات کے دوران اوورسیز کشمیریوں کے مسائل اور ان کے حل کے حوالے سے تفصیلی گفتگو کی گئی۔

یہ بھی پڑھیں: پیپلزپارٹی اور حکومت میں کشیدگی میں اضافہ، پیپلزپارٹی کا مسلم لیگ(ن) کو پارلیمان میں لال جھنڈی دکھانے کا فیصلہ

اوورسیز کشمیریوں کے مسائل اور حکومت کے اقدامات

وزیراعظم آزاد کشمیر نے اوورسیز کشمیریوں کو درپیش چیلنجز اور مسائل کے حل کے لیے حکومت کی جانب سے کیے گئے اقدامات پر روشنی ڈالی۔

یہ بھی پڑھیں: یہ بھی ممکن ہے کہ بالکل نئی پٹری بچھائی جائے جو پرانے وقتوں کے سارے دکھوں کو بھلا کر خراماں خراماں افغانستان کی سرحد تک جا پہنچے

آزاد کشمیر کنونشن اور عدالتی نظام کی بہتری

اس موقع پر اوورسیز کشمیر کنونشن کے انعقاد اور آزاد کشمیر کے عدالتی نظام کی بہتری کے حوالے سے بھی تبادلہ خیال کیا گیا۔ حکومت آزاد کشمیر کی جانب سے متعارف کروائے گئے آن لائن پورٹل کے حوالے سے بھی گفتگو کی گئی، جس کے ذریعے اوورسیز کشمیری اپنے مسائل اور شکایات باآسانی متعلقہ اداروں تک پہنچا سکتے ہیں۔

سہولیات کی فراہمی اور اقدامات کی اہمیت

ملاقات میں اس بات پر زور دیا گیا کہ اوورسیز کشمیریوں کو ہر ممکن سہولیات فراہم کی جائیں گی اور ان کے مسائل کے حل کے لیے مؤثر اقدامات جاری رہیں گے۔