امریکہ مذاکرات کی بات کر رہا ہے لیکن خفیہ طور پر زمینی حملے کی منصوبہ بندی کر رہا ہے: ایرانی سپیکر

ایران کی فوجی تیاری

تہران (ڈیلی پاکستان آن لائن )ایران کی پارلیمنٹ کے اسپیکر محمد باقر قالیباف کا کہنا ہے کہ ایران کی مسلح افواج امریکی فوجیوں کی آمد کے لیے تیار ہیں۔

یہ بھی پڑھیں: 27 ویں ترمیم کو جو پارٹی منظور کرے گی، پاکستان کی سیاسی تاریخ میں اس کا نام مٹ جائے گا، مشتاق غنی

ڈونلڈ ٹرمپ پر تنقید

ایرانی خبر رساں ادارے ارنا کے مطابق قالیباف نے ڈونلڈ ٹرمپ کو تنقید کا نشانہ بناتے ہوئے کہا کہ وہ ایک طرف ایران کے ساتھ مذاکرات کی خواہش ظاہر کر رہے ہیں جبکہ دوسری طرف خفیہ طور پر زمینی حملے کی منصوبہ بندی کر رہے ہیں۔

یہ بھی پڑھیں: یو اے ای میں شہری کی ساڑھے 7ارب روپے سے زائد کی لاٹری نکل آئی

دشمن کی دوہری حکمت عملی

انہوں نے کہا کہ دشمن کھلے عام مذاکرات کا پیغام دے رہا ہے اور خفیہ طور پر زمینی حملے کی منصوبہ بندی کر رہا ہے۔ ہمارے جوان زمین پر امریکی فوجیوں کی آمد کے منتظر ہیں تاکہ انہیں سخت جواب دیا جا سکے۔

یہ بھی پڑھیں: میکسویل کی شاندار بیٹنگ جس نے میچ پاکستانی اننگز سے پہلے ہی ختم کر دیا

امریکی میڈیا کی رپورٹ

اس سے قبل آج امریکی میڈیا نے رپورٹ کیا تھا کہ پنٹاگون ایران میں ہفتوں تک جاری رہنے والی زمینی کارروائیوں کی تیاری کر رہا ہے۔

فوجی تعیناتی کا اعلان

یہ رپورٹ اس وقت سامنے آئی جب امریکی فوج نے اعلان کیا کہ 3,500 فوجی مشرقِ وسطیٰ پہنچ گئے ہیں۔