سوشل میڈیا پر مریم نواز کے خلاف ٹوئٹ، سینٹرل کنٹریکٹ کی خلاف ورزی پی سی بی نے نسیم شاہ پر 2 کروڑ روپے کا بھاری جرمانہ عائد کردیا۔

نسیم شاہ پر بھاری جرمانہ عائد

لاہور (ڈیلی پاکستان آن لائن) پاکستان کرکٹ بورڈ نے قومی ٹیم کے فاسٹ بولر نسیم شاہ کے خلاف سینٹرل کنٹریکٹ کی مختلف شقوں اور سوشل میڈیا گائیڈ لائنز کی خلاف ورزی پر تادیبی کارروائی مکمل کرتے ہوئے ان پر 2 کروڑ روپے کا بھاری جرمانہ عائد کر دیا ہے۔

یہ بھی پڑھیں: پاکستان بنانے میں قائداعظم کی جدوجہد

شوکیز نوٹس اور سماعت

پی سی بی کے مطابق نسیم شاہ کو 27 مارچ 2026 کو شوکاز نوٹس جاری کیا گیا تھا، جس میں ان سے حالیہ ضابطہ اخلاق کی خلاف ورزیوں پر جواب طلب کیا گیا تھا۔ نسیم شاہ کے جواب کے جائزے کے بعد آج، 30 مارچ کو تین رکنی تادیبی کمیٹی کے سامنے ان کی ذاتی پیشی ہوئی۔

یہ بھی پڑھیں: ایمان مزاری اور ان کے شوہر کی گرفتاری: کیا سرکاری کام میں مداخلت پر دہشت گردی کا مقدمہ قائم کیا جا سکتا ہے؟

غلطی تسلیم کرنا اور عذر

پی سی بی کی جانب سے جاری بیان کے مطابق سماعت کے دوران نسیم شاہ نے اپنی غلطیوں پر غیر مشروط معذرت پیش کی، جسے کمیٹی نے ریکارڈ کا حصہ بنایا۔

یہ بھی پڑھیں: پاکستان بھر میں جنوری سے نومبر 2025 تک صنفی بنیاد پر خواتین پر تشدد کے واقعات کی رپورٹ جاری

سوشل میڈیا ایڈوائزر کی برطرفی

یہ بات سامنے آئی کہ نسیم شاہ نے اپنے سوشل میڈیا ایڈوائزر کو پہلے ہی ملازمت سے فارغ کر دیا ہے۔ پی سی بی نے اس ایڈوائزر کو 'بلیک لسٹ' کرتے ہوئے مستقبل میں بورڈ کے دائرہ اختیار میں آنے والے کسی بھی کھلاڑی کے ساتھ کام کرنے پر پابندی لگا دی ہے۔

یہ بھی پڑھیں: بیرسٹر گوہر علی خان اور سینیٹر فیصل واوڈا کا آمنا سامنا، خوشگوار ماحول میں بات چیت

کمیٹی کا فیصلہ

تمام شواہد اور جوابات کو مدنظر رکھتے ہوئے کمیٹی نے نسیم شاہ پر 2 کروڑ روپے جرمانہ عائد کرنے کا فیصلہ سنایا۔ پاکستان کرکٹ بورڈ کا کہنا ہے کہ وہ پیشہ ورانہ معیارات، معاہدی ذمہ داریوں اور کھیل کی سالمیت کو برقرار رکھنے کے لیے پرعزم ہے اور کسی بھی سطح پر نظم و ضبط کی خلاف ورزی برداشت نہیں کی جائے گی۔

متنازعہ ٹوئٹ

واضح رہے کہ نسیم شاہ کے سوشل میڈیا اکاؤنٹ سے وزیر اعلیٰ پنجاب مریم نواز کے خلاف ٹوئٹ کی گئی تھی۔