مریم نواز کے خلاف ٹوئٹ کا معاملہ، نسیم شاہ نے معافی مانگ لی

نسیم شاہ کا سوشل میڈیا پر وضاحتی بیان

لاہور(ڈیلی پاکستان آن لائن) پاکستان کرکٹ ٹیم کے مایہ ناز فاسٹ بولر نسیم شاہ نے اپنے سوشل میڈیا اکاؤنٹ سے شیئر ہونے والی ایک حالیہ پوسٹ سے لاتعلقی کا اظہار کرتے ہوئے مداحوں سے معافی مانگ لی ہے۔

یہ بھی پڑھیں: وزیر اعلیٰ مریم نواز کا جلالپور پیر والا فلڈ ریلیف کیمپ کا دورہ، خواتین کو دلاسہ دیا، بچوں سے اظہار شفقت، ساتھ بیٹھ کر کھانا بھی کھایا

مینجمنٹ ٹیم کی جانب سے کی جانے والی پوسٹ

نسیم شاہ نے اپنے بیان میں واضح کیا ہے کہ ان کے اکاؤنٹ سے کی جانے والی حالیہ پوسٹ ان کی مینجمنٹ ٹیم کی جانب سے تھی، جو ان کے ذاتی خیالات کی عکاسی نہیں کرتی۔ انہوں نے کہا، "میں اپنے سوشل میڈیا پلیٹ فارم پر ہونے والی ہر سرگرمی کی مکمل ذمہ داری لیتا ہوں۔" نسیم شاہ کے مطابق انہوں نے ضروری اقدامات اٹھائے ہیں اور اپنی ٹیم میں تبدیلیاں کر دی ہیں تاکہ مستقبل میں اس قسم کا واقعہ دوبارہ پیش نہ آئے۔

یہ بھی پڑھیں: متحدہ عرب امارات میں ورک پرمٹ حاصل کرنے کا نیا اور آسان طریقہ متعارف کروادیا گیا

مداحوں سے معذرت

انہوں نے اس پوسٹ سے متاثر ہونے والے تمام افراد سے دل سے معذرت کرتے ہوئے کہا کہ وہ اپنے پلیٹ فارم کے غلط استعمال پر نادم ہیں۔

یہ بھی پڑھیں: ہمیں ذمہ داری دی جائے تو ہدف سے زیادہ ٹیکس جمع کرسکتے ہیں، بلاول بھٹو

پی سی بی کی جانب سے جرمانہ

یاد رہے کہ پی سی بی نے نسیم شاہ پر سینٹرل کنٹریکٹ اور سوشل میڈیا گائیڈ لائنز کی خلاف ورزی پر 2 کروڑ روپے جرمانہ عائد کیا ہے، جس کے بعد نسیم شاہ نے اپنے سوشل میڈیا ایڈوائزر کو برطرف کر کے یہ وضاحتی بیان جاری کیا ہے۔ ان کے سوشل میڈیا اکاؤنٹ سے وزیر اعلیٰ پنجاب مریم نواز کے خلاف ایک ٹوئٹ سامنے آیا تھا ۔

نسیم شاہ کا ٹوئٹ

A recent post from my account was made by my management team and does not reflect my views.

I take full responsibility for my platform and have implemented the necessary changes to ensure this does not happen again.

I sincerely apologise to everyone affected by this misuse of…

— Naseem Shah (@iNaseemShah) March 30, 2026