بھارت کی ایک اور فالس فلیگ آپریشن کی سازش بے نقاب

بھارت کا فالس فلیگ آپریشن

اسلام آباد (ڈیلی پاکستان آن لائن) بھارت ایک اور فالس فلیگ آپریشن کی تیاری کر رہا تھا ، جسے بے نقاب کر دیا گیا۔

یہ بھی پڑھیں: کینیڈا نے 13 ممالک کے شہریوں کے لیے ویزا فری انٹری کا اعلان کر دیا

بے گناہ پاکستانیوں کی ممکنہ استعمال

نجی ٹی وی کے مطابق ذرائع کا کہنا ہے کہ بے گناہ پاکستانی بالخصوص کشمیری جو غلطی سے بارڈر کراس کر گئے انہیں بھارتی سیکیورٹی فورسز زبردستی استعمال کرے گی جبکہ لگ بھگ سینکڑوں بے گناہ پاکستانی بشمول کشمیری بھارتی قید میں موجود ہیں۔

یہ بھی پڑھیں: پشاور: پولیس مقابلے میں انتہائی مطلوب ٹارگٹ کلرگینگ کے 5 کارندے سرغنہ سمیت ہلاک

حملے کے منصوبے کی تفصیلات

مصدقہ اطلاعات کے مطابق ان میں سے چند بے گناہ افراد کو بھارتی فوج مذموم مقاصد کے لیے مختلف جیلوں سے نکال کر اکٹھا کر رہی ہے اور ان بے گناہ پاکستانیوں کے ساتھ بھارتی جیلوں میں قید چند بھارتیوں کو بھی اس گھناونی سازش میں استعمال کئے جانے کی اطلاعات ہیں تاکہ ڈرامہ بہتر بنایا جا سکے۔

یہ بھی پڑھیں: درخت پر شکار کیا گیا ریچھ اوپر گرنے سے شکاری کی موت ہوگئی

سازش کے مقاصد

ذرائع کے مطابق ان بے گناہ قیدیوں کو جلد ہی فالس فلیگ آپریشن کے ذریعے گودی میڈیا اور جے شنکر پاکستان کے مخالف استعمال کرے گا، ممکنہ طور پر بھارت سفارتی میدان میں ہزیمت کی خفت مٹانے اور پاکستان سے توجہ ہٹانے کے لیے فرسودہ اور گھسا پٹا ڈرامہ رچا رہا ہے۔

یہ بھی پڑھیں: صدر آصف زرداری کی عراق کے دارالحکومت بغداد میں مقدس زیارات کی حاضری

بین الاقوامی منظر نامہ

ذرائع کا کہنا ہے کہ بھارتی خفیہ ایجنسی را اور انتہائی دل برداشتہ وزیر خارجہ جے شنکر نے اس اسکیم کو ترتیب دیا ہے جبکہ دنیا بھارت کی ان مکاریوں، جھوٹ اور گھسے پٹے بیانیے سے پہلے ہی تنگ آچکی ہے، اب اس گھسے پٹے اور فرسودہ بیانیئے کی کوئی وقعت نہیں رہی ہے۔

پلوامہ واقعہ کی تحقیقات

ذرائع کے مطابق پلوامہ کے بعد پہلگام کو بھی ایک سال گزرنے کے باوجود بھارت ابھی تک اپنے الزامات کے شواہد سامنے نہیں لا سکا اور بھارت ان فالس فلیگ آپریشنز کے حوالے سے دنیا کو یہ نہیں بتا سکا کہ ان میں کون سے لوگ ملوث تھے اور کہاں سے آئے تھے، بھارت کا بے گناہ پاکستانی قیدیوں کو استعمال کرکے میڈیا کے سامنے ایک اور پراپیگنڈہ بھی بری طرح ناکام ہوگا۔