جہاز پر تقریباً 12 لاکھ بیرل سعودی خام تیل اور 8 لاکھ بیرل کویتی خام تیل موجود، دبئی میں نشانہ بننے والا کویتی آئل ٹینکرسے متعلق بی بی سی کا دعویٰ

دبئی میں کویتی پرچم کے جہاز پر حملہ

دبئی، لندن (ویب ڈیسک) دبئی کی حدود میں کویتی پرچم برداشت جہاز ایک نامعلوم پروجیکٹائل کا نشانہ بنا ہے، جس کی مزید تفصیلات بی بی سی اردو نے فراہم کی ہیں۔

یہ بھی پڑھیں: گلوکار علی ظفر 8سال سے زیر سماعت ہتک عزت کیس جیت گئے، میشا شفیع کو 50 لاکھ روپے جرمانہ

واقعے کی تفصیلات

رپورٹ کے مطابق، میری ٹائم انٹیلیجنس کمپنی وینگارڈ نے بتایا کہ رات کے دوران کویت کے پرچم بردار ٹینکر ’السلمی‘ کو متحدہ عرب امارات کے ساحل کے قریب ایک ’نامعلوم پروجیکٹائل‘ نے نشانہ بنایا۔ کمپنی کا کہنا ہے کہ جہاز میں لگی آگ پر قابو پا لیا گیا ہے، اور تمام عملہ محفوظ ہے۔ اس کے علاوہ، جہاز سے تیل کے رساؤ کی کوئی اطلاعات موصول نہیں ہوئی ہیں۔ دبئی حکام نے بھی واقعے کی تصدیق کی ہے، لیکن جہاز کا نام ظاہر نہیں کیا گیا۔

جہاز کی ملکیت اور بندرگاہ کی معلومات

بی بی سی کے مطابق، ’السلمی‘ سرکاری ملکیت والی کویت آئل ٹینکر کمپنی کی ملکیت میں ہے۔ میری ٹائم انٹیلیجنس فرم ’ٹینکر ٹریکرز ڈاٹ کام‘ کا کہنا ہے کہ جہاز پر تقریباً 12 لاکھ بیرل سعودی خام تیل اور 8 لاکھ بیرل کویتی خام تیل موجود ہے، جو گزشتہ ماہ جہاز پر لادا گیا تھا۔ مارین ٹریفک کے دستیاب ڈیٹا کے مطابق، یہ ٹینکر چین کے شہر چنگ ڈاؤ کی جانب جا رہا تھا جب اس پر حملہ ہوا۔