معروف کامیڈین سہیل احمد نے سوشل میڈیا پر وائرل ہونے والے اپنے بیان کی وضاحت کردی

کامیڈین سہیل احمد کا بیان

لاہور(ڈیلی پاکستان آن لائن)معروف کامیڈین سہیل احمد نے سوشل میڈیا پر وائرل ہونے والے اپنے بیان کی وضاحت کردی۔

یہ بھی پڑھیں: قومی ائیرلائن سے تنازع: سوسائٹی آف ائیرکرافٹ کے صدر اور سیکرٹری ملازمت سے برطرف

متنازعہ بیان کی وضاحت

ان کا کہنا تھا کہ کسی تقریب میں گفتگو کے دوران کہا گیا ایک جملہ وائرل ہو رہا ہے جس میں وہ یہ کہہ رہے ہیں: 'پاپولیرٹی کوئی اتنی بڑی بات نہیں، حسین بھی اتنے پاپولر تھے، یزید بھی اتنے پاپولر ہیں۔ یہ دوسری بات ہے کہ کون اچھے الفاظ میں یاد ہوتا ہے اور کون برے۔'

یہ بھی پڑھیں: پی ٹی آئی ڈاٹس کو جوڑیں اور تجزیہ کریں علی امین کے اقدامات سے کس کو فائدہ اور کس کو نقصان ہوا: محمد مالک

اجتماع میں بچوں کو نصیحت

سہیل احمد نے وضاحت کی کہ اس تقریب میں وہ بچوں کو سمجھانے کے لیے یہ بات کر رہے تھے اور انہوں نے کہا، "خدارا، پاپولر ہونے کے لیے یزید کا راستہ استعمال نہ کریں، حسینی قافلے میں شامل ہیں، ایسے کام کریں کہ لوگ آپ کو اچھے الفاظ سے یاد کریں، برے الفاظ سے نہیں۔"

تنقید کا جواب

سہیل احمد نے کہا کہ اس گفتگو کا چھوٹا سا فقرہ نکال کر وائرل کیا گیا اور اسے سیاست سے جوڑ کر ان پر تنقید کی جا رہی ہے۔ ان کا کہنا تھا، "میں یہ کہنا چاہتا ہوں کہ ایسی حرکتیں ضرور کریں لیکن اس میں مذہب کا استعمال نہ کریں۔ خدا کے واسطے موت کو یاد رکھیں، مذہب نہ استعمال کریں، آپ لوگ کیا کر رہے ہیں اور کس حد تک جا رہے ہیں۔"